ინფორმაციას ამის შესახებ შინაგან საქმეთა სამინისტროს სასაზღვრო პოლიცია ავრცელებს.

რატომ არის მნიშვნელოვანი: უწყების თქმით, ბრალდებულები სარფის გავლით მიგრანტის უკანონოდ გადაყვანას შეეცადნენ.

  • გამოძიების ინფორმაციით, ისინი ამას ერთ-ერთი ბრალდებულის მართვის ქვეშ არსებულ სატვირთო ავტომანქანაში მოწყობილი სამალავის მეშვეობით აპირებდნენ.

დეტალები: მოსამართლის განჩინების საფუძველზე დააკავეს საქართველოს 2 მოქალაქე — 1988 წელს დაბადებული გ.გ. და 1993 წელს დაბადებული კ.ს.

  • ასევე, თურქეთის 1 მოქალაქე — 1977 წელს დაბადებული ი.ფ;
  • დანაშაული 2-დან 5 წლამდე ვადით თავისუფლების აღკვეთას ითვალისწინებს;

გამოძიება საქართველოს სისხლის სამართლის კოდექსის 19-344-პრიმა მუხლის 1-ელი ნაწილით მიმდინარეობს.

  • ბრალდება საქართველოს სახელმწიფო საზღვრის უკანონოდ გადაკვეთის მცდელობას გულისხმობს.