თბილისის ბაგა-ბაღებში ბავშვების რეგისტრაცია 7 ივლისს, 13 საათზე იწყება. საჯარო ბაგა-ბაღებში 2017-2018 წლისათვის რეგისტრაცია ელექტრონულად, ვებგვერდზე - kids.org.ge ორ ეტაპად იქნება შესაძლებელი.

ბაგა-ბაღების მართვის სააგენტოს ხელმძღვანელის, თემურ თორდინავას ინფორმაციით, პირველ ეტაპზე, რეგისტრაციას გაივლიან სოციალურად დაუცველი ოჯახების შვილები, ჩვილ ბავშვთა სახლის ბენეფიციარები და სპეციალური საგანმანათლებლო საჭიროების მქონე ბავშვები. გარდა ამისა, იმ ოჯახების ბავშვები, რომელთა შვილი (შვილები) სარგებლობენ იმავე სკოლამდელი აღზრდის დაწესებულების მომსახურებით და 2015 წლის 13-14 ივნისს თბილისში მომხდარი სტიქიის შედეგად დაზარალებული ოჯახების ბავშვები.

რეგისტრაციის მეორე ეტაპი 14 ივლისს 13:00 საათზე დაიწყება, სადაც სხვა ბავშვებს შეეუძლიათ რეგისტრაცია.

ჯამში 2017-2018 სასწავლო წლისთვის 13 ათასი აღსაზრდელისთვისაა ადგილი გამოყოფილი.