პეტიცია 22 სექტემბერს შეიქმნა და ამ ეტაპზე მას 1292 ხელმომწერი ჰყავს.

რატომ არის მნიშვნელოვანი: მას შემდეგ, რაც რუსეთში ნაწილობრივ მობილიზაცია გამოცხადდა, მოქალაქეები ქვეყნის დატოვებას მასობრივად ცდილობენ.

  • პეტიციის ავტორი აღნიშნავს, რომ უკონტროლოდ შემოსული რუსეთის მოქალაქეები და მათ მიერ ბიზნესის რეგისტრაცია საფრთხეს უქმნიან საქართველოს უსაფრთხოებას და სტაბილურობას;
  • მისივე თქმით, ეს მეტად ზრდის რუსეთის გავლენას საქართველოში.

დეტალები: პეტიციის ხელმომწერები საქართველოს ხელისუფლებას მოუწოდებენ, დაუყოვნებლივ შემოიღონ სავიზო რეჟიმი რუსეთთან.

  • "დაუშვას ქვეყანაში მხოლოდ პოლიტიკური მოტივით დევნილი პირები, რომლებიც დაიშვებიან საქართველოში მხოლოდ შესაბამისი გადამოწმებისა და დევნის ფაქტის დადასტურების შემთხვევაში", — აღნიშნულია ტექსტში.
  • "დააწესოს მორატირიუმი უძრავი ქონების შეძენაზე რუსეთის მოქალაქეებისთვის";
  • "შეუზღუდოს ოკუპანტი ქვეყნის მოქალაქეებს ეკონომიკური საქმიანობა".