საქართველოში Apple-ის უახლესი პროდუქტის, Apple Watch 8-ის წინასწარ შეკვეთა დღეიდან შეგიძლიათ. Apple-ის ავტორიზებულ რესელერებთან საათს 100-ლარიანი შეღავათით შეიძენთ: iSpace, Alta, Elit Electronics, iPlus, iTechnics, Kontakt Home, iStore.

7 სექტემბერს გამართულ პრეზენტაციაზე, Apple-მა Apple Watch-ის მიმდინარე ხაზის განახლებული ვერსია წარმოადგინა.

განვიხილოთ მერვე სერიის ყველა მახასიათებელი.

  • Apple Watch სერია 8-ს დაემატა ტემპერატურის სენსორი. მომხმარებელს წვდომა აქვს ტემპერატურის რეგულარულ გაზომვაზე 5 წამში ერთხელ.

წინა თაობის საათებს არ გააჩნდა ეს შესაძლებლობა, რადგან მხოლოდ ეკგ (ელექტროკარდიოგრაფია), გულისცემისა და სისხლის ჟანგბადით გაჯერების გაზომვა შეეძლო.

  • წინა მოდელთან შედარებით კიდევ ერთი მნიშვნელოვანი განსხვავება არის ავტოსაგზაო შემთხვევის ამოცნობის სისტემა. გაჯეტს უნარი აქვს, ხმების მიხედვით ამოიცნოს ავტოსაგზაო შემთხვევა, შეუძლია დააფიქსიროს ავარიის ტიპი, ახლობლებისა და სასწრაფო დახმარების სამსახურებს შეტყობინება გაუგზავნოს.

წინა თაობას მხოლოდ მომხმარებლის დაცემის იდენტიფიცირება და პულსის ჩვენებაზე დაყრდნობით არითმიის პროგნოზირება შეუძლია.

  • საათის კორპუსი წარმოდგენილია განსხვავებულ ფერებში. ალუმინის Apple Watch Series 8 ხელმისაწვდომია შავი (midnight), თეთრი (silver) ოქროსფერი (starlight) და წითელი (Product RED). ფოლადის მოდელებმა სამი ფერი მიიღო: შავი (graphite), თეთრი (silver) და ოქროსფერი (gold).

კორპუსის ზომებია: 352x430 მმ (მოდელისთვის 41 მმ ეკრანით) და 396x484 მმ (მოდელისთვის 45 მმ ეკრანით).

  • გაჯეტი წყალგამძლეა 50 მეტრ სიღრმეზე და დაცულია მტვრისგან IP6X სტანდარტის მიხედვით.
  • Apple Watch Series 8-ს აქვს 32 GB მეხსიერება, Wi-Fi მოდულები 5 გჰც ქსელების მხარდაჭერით და Bluetooth 5.0.