მუსიკალური ფესტივალის Tbilisi Open Air-ის ბილეთები ხვალიდან გაძვირდება. Open Air-ის ოფიციალური Facebook გვერდი ფესტივალზე დასწრების მსურველებს ახსენებს, რომ 23 მაისს, დღის ბოლოს, 23:59-ზე ბილეთის ფასები გაიზრდება.

ამჟამად, ფესტივალზე დასასწრები ბილეთები თითო დღეზე 45 ლარი ღირს, სამ დღიანი აბონემენტის ფასი კი 110 ლარია.

ხვალიდან, ფასები გაიზრდება და თითო დღეზე დასასწრები ბილეთის ფასი 60 ლარი გახდება, ხოლო სამ დღიანი აბონემენტის ფასი - 150 ლარი.

შეგახსენებთ, რომ Tbilisi Open Air სტარტს 16 ივნისს აიღებს და სამი დღის განმავლობაში, 18 ივნისის ჩათვლით გაგრძელდება. პირველი დღის ჰედლაინერი ცნობილი ბრიტანული ჯგუფი Anathema იქნება, 17-ში მთავარ სცენას Leningrad-ი დაიკავებს, ხოლო ფესტივალს გრანდიოზულად დახურავს მსოფლიოში ცნობილი ჯგუფი Archive, რომელიც საქართველოში მეორედ ჩამოვა.