ევროკავშირის ოფიციალურ ჟურნალში უკვე გამოქვეყნდა, რომ უკრაინამ სავიზო ლიბერალიზაცია მიიღო, რაც იმას ნიშნავს, რომ უკვე დღეიდან, 20 დღეში უკრაინის მოქალაქეებს შენგენის ზონაში უვიზოდ მოგზაურობა შეეძლებათ.

ევროპარლამენტმა სტრასბურგში გამართულ ექვსი აპრილის კენჭისყრაზე, უკრაინისთვის ვიზების ლიბერალიზაციის მინიჭებას მხარი დაუჭირა, 521 ხმით 75-ის წინააღმდეგ.

ევროკავშირმა და კიევმა სავიზო ლიბერალიზაციაზე მოლაპარაკებები 2008 წელს დაიწყეს. 2015 წლის ბოლოს, ევროკომისიამ გამოაქვეყნა დასკვნა, რომ უკრაინამ პროგრესი განიცადა და ყველა კრიტერიუმი დააკმაყოფილა, ვიზალიბერალიზაციისთვის.

უკრაინისთვის სავიზო ლიბერალიზაცია გულისხმობს მოკლევადიან ვიზიტებს, ანუ 90 დღეს შენგენის ზონაში, ნებისმიერი 180 დღის განმავლობაში.