ჩეჩნეთის ლიდერი ახალ ვიდეომიმართვაში საუბარს იმით იწყებს, რომ გაიგო, თურმე რუსეთის ფედერაციის შემადგენელი ერთეულების ამჟამინდელ ხელმძღვანელებს შორის ყველაზე ხანგრძლივმოქმედია.

დეტალები: რამზან კადიროვი აღნიშნავს, რომ რესპუბლიკას უკვე 15 წელია ხელმძღვანელობს.

  • "ჩვენ, კავკასიელებს, ჩეჩნებს გვაქვს ანდაზა — როგორი პატივსაცემი და ნანატრიც არ უნდა იყოს სტუმარი, თუ ის დროულად მიდის, კიდე უფრო სასიამოვნოა";

  • "ამიტომ, ვფიქრობ, რომ ჩემი დროც მოვიდა, დონ. სანამ არ გამაგდეს, დონ. ასეთი საქმეებია, დონ";

  • "ჩვენ ამაზე ფიქრი დავიწყეთ, დონ. შევეცდებით, რომ დროულად წავიდეთ, დონ";

  • პოსტში კადიროვი წერს, რომ თანამდებობაზე დიდი ხნით შემორჩა და ფიქრობს, რომ "ნამდვილად დაიმსახურა ხანგრძლივი და დამსახურებული შვებულება" — ის იმედს გამოთქვამს, რომ გაუგებენ და მხარს დაუჭერენ.

სტრიქონებს შორის: მისი ვიდეომიმართვიდან არ იკვეთება ზუსტი გადაწყვეტილება პოსტის დატოვებასთან დაკავშირებით, ამიტომ უცნობია, ჩეჩნეთის ლიდერი სერიოზულად განიხილავს თუ არა წასვლას.

  • თუმცა შეგვიძლია, ვივარაუდოთ, რომ მალე ის პოსტიდან გადადგება.

რატომ არის მნიშვნელოვანი: კადიროვი ჩეჩნეთის რესპუბლიკას 2007 წლიდან ხელმძღვანელობს.

  • მისი ძალაუფლება ზეწოლებსა და იძულებებზეა დაფუძნებული;
  • კრემლის უპირობო ერთგულება კადიროვმა კიდევ ერთხელ, რუსეთის მიერ უკრაინაში შეჭრის შემდეგ დაადასტურა და ომის დაწყებიდან მალევე უკრაინაში თავისი ჯარები გააგზავნა.