მაჭარაშვილი ზურაბიშვილზე: არ დაავიწყდეს ვის მიერ არის არჩეული

2 Sep. 2022, 15:34

საქართველოს პრეზიდენტის გამოსვლა, რბილად რომ შევაფასოთ, სამართლებრივადაც და ადამიანურადაც იყო აბსოლუტურად მიუღებელი. სამართლებრივად იმიტომ, რომ სამწუხაროდ, დღემდე ვერ ისწავლა მან კონსტიტუციაში მისი კონკრეტული ფუნქციები. ყოველი მისი განცხადება არა მხოლოდ არ ემთხვევა კონსტიტუციაში მის ფუნქციებს, არამედ დეესკალაციისკენ კი არა, ესკალაციისკენ არის მიმართული. მას რაღაც როლის აღება უნდა ხოლმე. ზოგადად ეს კარგია, თუმცა ვერ ახერხებს, რომ საყოველთაო შერიგების სათავეში იდგეს, ესეც არ გამოსდის.

[...] მის ბრიფინგში თუ არ ვცდები, 70-80% ისაუბრა ჩვენზე, ჩვენს მიერ გაკეთებულ განცხადებებზე, და ეს რომ ყოფილიყო უმნიშვნელო, ბუნებრივია, ამ განცხადებებს არ დაუთმობდა ამდენ დროს.

ერთი კონსტიტუციური ორგანო, პრეზიდენტი მეორე კონსტიტუციური ორგანოს წარმომადგენლებს, პარლამენტის წევრებს აგდებულად მოიხსენიებს და ვერც დაითვალა სამი გავიდა თუ ოთხი ქართული ოცნებიდან. აქაც ეტყობა ან ეშლება და აქაც აგდებულად იხსენიებს, იმ დეპუტატებს რომლებიც არიან არჩეული იმ ამომრჩევლების მხრიდან, რომლებსაც სწორედ ჩვენი რეკომენდაციებით მივეცით საშუალება, რომ აერჩია საქართველოს პრეზიდენტი. არ დაავიწყდეს ვის მიერ არის არჩეული.

ბოლო ამბები:

გურამ მაჭარაშვილი მაჭარაშვილი ზურაბიშვილზე: არ დაავიწყდეს ვის მიერ არის არჩეული

კომენტარები

კვირის ტოპ-5

გირჩევთ

ახლა კითხულობენ

ვენესუელაში მომხდარი მიწისძვრის შედეგად დაღუპულთა რიცხვი 235-მდე გაიზარდა, 4300-ზე მეტი ადამიანი დაშავდა