უკრაინის ეროვნული გვარდია ამბობს, რომ იმ დღეს, როდესაც FSB-მ განაცხადა, რომ დარია დუგინას საქმე გახსნეს და მკვლელობაში დაადანაშაულეს ქალი, რომელიც მათი თქმით, აზოვის ბატალიონის წევრი იყო, მის შესახებ ვიკიპედიის ყალბი გვერდიც შექმნეს.

რატომ არის მნიშვნელოვანი: FSB-მ გუშინ, 22 აგვისტოს განაცხადა, რომ დუგინას საქმე გახსნეს და მკვლელობას უკრაინის სპეცსამსახურებს აბრალებს. ისინი ამბობენ, რომ ქალი, რომელმაც დუგინა მოკლა, აზოვსტალის ბატალიონის წევრია.

  • მოგვიანებით აზოვის ბატალიონმა თქვა, რომ ქალს, რომელსაც FSB დუგინას მკვლელობაში ადანაშაულებს, მათთან კავშირი არ აქვს.

დეტალები: გვარდიამ აჩვენა სქრინშოთები ვიკიპედიიდან, რომლის მიხედვითაც 22 აგვისტოს ბრალდების შესახებ ინფორმაციის გავრცელებისთანავე გაჩნდა ვიკიპედიის გვერდი "სამხედრო მოსამსახურე ვოვკის" შესახებ.

  • კერძოდ, ვიკიპედიაზე აღწერეს მკვლელობის ყალბი ამბავი, თავად ნატალია ვოვკი კი უკრაინის ეროვნული გვარდიის აზოვის ბატალიონის სამხედრო მოსამსახურედ დაასახელეს.
  • ამჟამად ვიკიპედიის გვერდი წაშლილია.

ფოტო: უკრაინის ეროვნული გვარდია

ფოტო: უკრაინის ეროვნული გვარდია

არქივიდან: რუსეთში ვლადიმერ პუტინის იდეოლოგის, ალექსანდრ დუგინის შვილი მანქანის აფეთქების შედეგად დაიღუპა.

  • უკრაინული მედიების ცნობით, ოკუპანტებმა მომხდარში უკრაინა დაადანაშაულეს.

  • "ახლა პროპაგანდისტები აქტიურად ავრცელებენ ჰიპოთეზას, რომ მანქანა უკრაინელმა "ნაციონალისტებმა" ააფეთქეს", — წერს Unian.