ქარელის და დუშეთის მუნიციპალიტეტების სოფლების მიმდებარედ უკანონო ბორდერიზაციის ფაქტი On.ge-ს სახელმწიფო უსაფრთხოების სამსახურში დაუდასტურეს.

რატომ არის მნიშვნელოვანი: სუს-ის განცხადებით, ამ სოფლების მიმდებარედ უკანონო ბორდერიზაციის პროცესი 2021 წლის აპრილში დაიწყო და ეს პროცესის გაგრძელებაა.

  • ბოლო პერიოდში ოკუპანტებმა უკანონო ბორდერიზაცია სხვადასხვა ტერიტორიაზე განაახლეს.

  • მაგალითად, ხურვალეთის მიმდებარე ტერიტორიაზე უკანონო ინსტალაცია აღმართეს. უკანონო ბორდერიზაციის ფაქტი დაფიქსირდა სოფელ საკორინთლოსთან და ზარდიანთკარშიც.

სუს-ის განცხადებით, უკანონო ბორდერიზაციის ყველა ფაქტი განიხილება ინციდენტების პრევენციისა და მათზე რეაგირების მექანიზმის შეხვედრებზე, ასევე ჟენევის საერთაშორისო დისკუსიებზე.

  • "უკანონო ე.წ. ბორდერიზაციის პროცესი ართულებს ადგილობრივების ყოველდღიურ ცხოვრებას და აზიანებს უსაფრთხოების გარემოს, აღნიშნულზე სრული პასუხისმგებლობა ეკისრება საოკუპაციო რეჟიმს".