ოკუპანტებმა შიდა ქართლის რეგიონში გორის მუნიციპალიტეტის სოფელ ზარდიაანთკართან უკანონო ბორდერიზაციის პროცესი განაახლეს. ინფორმაციას On.ge-ს სახელმწიფო უსაფრთხოების სამსახურში დაუდასტურეს.

უწყებაში ამბობენ, რომ უკანონო მოქმედებები ოკუპირებულ ტერიტორიაზე მიმდინარეობს და არა საქართველოს კონტროლირებად ტერიტორიაზე.

როგორც სუს-ში გვითხრეს, ფაქტზე ამოქმედებულია ცხელი ხაზი და ინფორმირებულია ევროკავშირის სადამკვირვებლო მისია.