დიდი ბრიტანეთის თავდაცვის სამინისტროს დაზვერვა აცხადებს, რომ ყირიმში საკის ავიაბაზაზე მომხდარი აფეთქებისას წარმოქმნილი დიდი სოკოს ფორმის ღრუბელი, რომელიც თვითმხილველთა ვიდეოებში ჩანს, თითქმით დადასტურებულად საბრძოლო მასალის 4 საწყობის აფეთქებამ გამოიწვია.

რატომ არის მნიშვნელოვანი: რუსეთის თავდაცვის სამინისტრო ამტკიცებს, რომ აეროდრომის ტერიტორიაზე რამდენიმე საავიაციო საბრძოლო მასალა აფეთქდა.

  • ეს ის ბაზაა, საიდანაც საფრენი აპარატები ზაპოროჟიეს, ნიკოლაევისა და ხერსონის რეგიონების დასაბომბად მიფრინავდნენ.

დაზვერვა აცხადებს, რომ აფეთქების შედეგად განადგურდა ან მნიშვნელოვნად დაზიანდა სულ მცირე ხუთი Su-24 FENCER გამანადგურებელი-ბომბდამშენი და სამი Su-30 FLANKER H მრავალფუნქციური თვითმფრინავი.

  • მათი თქმით, სამხედრო ბაზა მნიშვნელოვნად დაზიანდა, თუმცა აეროდრომი, სავარაუდოდ, ექსპლუატაციაში რჩება.
  • ბრიტანეთის დაზვერვა ამბობს, რომ 8 საბრძოლო თვითმფრინავის დაკარგვა მცირე ნაწილია იმ საერთო ფლოტიდან, რომლის გამოყენებაც რუსეთს ომში შეუძლია. თუმცა, ეს აეროდრომი რუსეთის საზღვაო ფლოტის თვითმფრინავების შავი ზღვის ბაზად გამოიყენებოდა.
  • "მომხდარი, სავარაუდოდ, უბიძგებს რუსეთს, გადახედონ საფრთხის აღქმას. ამ დრომდე ისინი ყირიმს უსაფრთხო სივრცედ მიიჩნევდნენ", — წერს დაზვერვა.