კანის კინოფესტივალი: გაფერადებული ჟურნალისტები და უსიყვარულო ანდრეი ზვიაგინცევი
17 მაისს კანში იმაზე გაცილებით მზიანი დღე გათენდა, ვიდრე წელიწადის სხვა დროს სჩვევია. კრუაზეტის სანაპიროზე მოწყობილ კინოთეატრებთან, გრძელ და დამქანცველ რიგში სამოცზე მეტი ქვეყნის ჟურნალისტი საკუთარი აკრედიტაციის მიღებას ელოდა.
კანის ფესტივალი, რომელსაც ხშირად ელიტურ კინოწვეულებასაც უწოდებენ, საკუთარ თავს არც ჟურნალისტებთან და კინომცოდნეებთან ურთიერთობაში ღალატობს და გარკვეული პრინციპით თითოეულ მათგანს ფერს ანიჭებს. მაგალითად, თუ თეთრი ან ვარდისფერი აკრედიტაცია მოგცეს, სიაში პირველი ხარ, რიგის გარეშე შეგიძლია ლუმიერებისა და დებიუსის დარბაზში სასურველ ფილმზე მოხვედრა. იმ შემთხვევაში, თუ ლურჯი შეგხვდა, მაშინ ოდნავ დიდხანს მოგიწევს მცხუნვარე მზის ქვეშ გაჩერება, მაგრამ, აი, თუ არ გაგიმართლა და ფესტივალის პრესცენტრმა ყვითელი ფერი მოგანიჭა, საერთოდ საკითხავია, მოახერხებ თუ არა ფილმზე შესვლას. მე ლურჯი ფერის აკრედიტაცია მაქვს.
ფესტივალი საღამოს შვიდ საათზე გაიხსნა. როგორც წესი, ამ დროს მთელ ქუჩას კეტავენ და ერთი ადგილიდან მეორეზე ისე ვერ გადახვალ, თუ პოლიციამ ფრანგულად არ გთხოვა ჩანთის გახსნა, ხო, აქ ინგლისურად თითქმის არავინ გელაპარაკება.
კინოვარსკვლავების მოსვლამდე კრუაზეტის სანაპიროზე ასობით გამოპრანჭული ადამიანი მოძრაობს იმის იმედად, რომ წითელ ხალიჩაზე შესვლას მოახერხებს, თუმცა ეს დაახლოებით ისეთივე სირთულის ამოცანაა, როგორც მზეზე დაჯდომა.
ქუჩაში გამოსულ სადღესასწაულო ტანისამოსში გამოწყობილებს არ გაუმართლათ, თუმცა ვიღაც მათზე იღბლიანი აღმოჩნდა და შეპარვის გარეშე, საპატიო სტუმრის რანგში მოხვდა წითელ ხალიჩაზე. ერთმანეთის მონაცვლეობით ევროპული, ამერიკული და აზიური კინოს ვარსკვლავები ასზე მეტი ფოტოგრაფის წინ პოზირებდნენ.
წელს კანში მთავარი ფიგურა ესპანელი რეჟისორი, პედრო ალმოდოვარია, ის ფესტივალის ჟიურის პრეზიდენტია, თუმცა მედიაში არანაკლებ ყურადღებას იქცევენ ჟიურის სხვა წევრები, მაგალითად, ჯესიკა ჩესტეინი, უილ სმიტი და პაოლო სორენტინო.
"ახლა თავს სამოთხეში ვგრძნობ. წარმოიდგინეთ, ისედაც ყოველთვის ვუყურებ კვირაში ორ ან სამ ფილმს და ახლა მხოლოდ ამისთვის ვარ აქ ჩამოსული. ამაზე მეტი რა უნდა მინდოდეს?", - უთხრა ჟურნალისტებს პედრო ალმოდოვარმა.
ფესტივალის პირველი დღე არასაკონკურსო ფილმით გაიხსნა, დებიუსის კინოდარბაზში მაყურებელმა არნო დეპლეშენი ფილმი ნახა, მეორე ნაწილმა კი ისევ გრძელ და დამქანცველ რიგში ჩადგომა და ანდრეი ზვიაგინცევის "უსიყვარულოს" ნახვა გადაწყვიტა, მათ შორის ვიყავი მეც.
მცხუნვარე მზის მიუხედავად, სიმართლე გითხრათ, ბედნიერი ვარ ამ გადაწყვეტილებით. წინასწარ რთულია თქმა, მაგრამ ამ ფილმმა სხვა საკონკურსო ფილმებს დიდი ფსონი დაუწესა. არაჩვეულებრივი სამსახიობო ანსამბლით, სცენარითა და ზვიაგინცევისთვის დამახასიათებელი ხელწერით შექმნილი ორსაათიანი ფილმი, მაყურებელს ეკრანზე აჯაჭვებს.
საინტერესო დამთხვევა იყო ისიც, რომ ფილმის ჩვენება ჩვიდმეტი მაისს დაემთხვა, როდესაც საქართველოს მართლმადიდებელი ეკლესიის საპატრიარქო და მრევლი ოჯახის სიწმინდის დღეს აღნიშნავს. რუსმა რეჟისორმა თავის ახალ ფილმში ბევრ საინტერესო თემასთან ერთად "ოჯახური სიწმინდის" რეალური სახეც გვიჩვენა.
კანში მსოფლიო კინოს ყველაზე პრესტიჟულმა მარათონმა აიღო სტარტი, დამწყები და უკვე შემდგარი რეჟისორები, ასევე, მსახიობები ერთმანეთს ოქროს პალმის რტოს მოსაპოვებლად ეჯიბრებიან, ამ ყველაფრით კი ჟურნალისტები, კინოკრიტიკოსები და მაყურებლები ხეირობენ, რომლებსაც პედრო ალმოდოვარისა და ჟიურის სხვა წევრებისგან განსხვავებით, არ მოუწევთ იმაზე ფიქრი, საუკეთესოთა შორის რომელს მისცენ საუკეთესოს სტატუსი.
კანში ყველაფერს ეტყობა, რომ კინო უყვართ. ვიტრინებში, ბილბორდებზე, სახლის ეზოებში, მაღაზიებში - აქ ყველგან შეხვდებით კინემატოგრაფის უკვდავ სახეებს. ქუჩის ერთ კუთხეში კატრინ დენევის უზარმაზარი პოსტერია გამოკრული, მეორე მხარეს ბრიჯიტ ბარდოს წარსული დიდება გახსენდება, კრუიზეტის სანაპიროზე კი რამდენიმე ათეულ მეტრზე გადაჭიმული მოცეკვავე კლაუდია კარდინალეს პოსტერი გახსენებს, რომ ახლა, ამ წუთას, არაფერია იმაზე მნიშვნელოვანი, ვიდრე კინო.
-
გადახედვაკინოცენტრმა დაფინანსება შეგვიწყვიტა — თბილისის საერთაშორისო კინოფესტივალი კინოცენტრმა დაფინანსება შეგვიწყვიტა — თბილისის საერთაშორისო კინოფესტივალი
-
გადახედვაGPBA: კონსოლიდაცია რუსეთის დამპყრობლურ პოლიტიკასთან ბრძოლის აუცილებელი პირობაა GPBA: კონსოლიდაცია რუსეთის დამპყრობლურ პოლიტიკასთან ბრძოლის აუცილებელი პირობაა
-
გადახედვასააკაშვილი ენმ-ს პარტიის ბორდის შექმნას და თავმჯდომარედ მისი კანდიდატურის განხილვას სთხოვს სააკაშვილი ენმ-ს პარტიის ბორდის შექმნას და თავმჯდომარედ მისი კანდიდატურის განხილვას სთხოვს
-
გადახედვაშესაძლოა, არამიწიერი სიცოცხლე იისფერი ბაქტერიების სახით არსებობდეს შესაძლოა, არამიწიერი სიცოცხლე იისფერი ბაქტერიების სახით არსებობდეს
-
გადახედვაოზურგეთის საკრებულოს თავმჯდომარის, დავით დარჩიას შვილი: არა რუსულ კანონს! ოზურგეთის საკრებულოს თავმჯდომარის, დავით დარჩიას შვილი: არა რუსულ კანონს!
-
გადახედვაკვლევის თანახმად, მელიები ადამიანების "საუკეთესო მეგობრები" იყვნენ კვლევის თანახმად, მელიები ადამიანების "საუკეთესო მეგობრები" იყვნენ
-
გადახედვალავროვი ოცნების რუსულ კანონზე ამბობს, რომ "ძალიან რბილია" ლავროვი ოცნების რუსულ კანონზე ამბობს, რომ "ძალიან რბილია"
-
გადახედვადეა მელაძე: არა რუსულ კანონს! გელით რუსთაველზე დეა მელაძე: არა რუსულ კანონს! გელით რუსთაველზე
-
გადახედვავახტანგ გომელაური: აქციის მონაწილეები სიტყვიერ შეურაცხყოფას აყენებდნენ პოლიციას, ამის შემდეგ მოხდა დაპირისპირება ვახტანგ გომელაური: აქციის მონაწილეები სიტყვიერ შეურაცხყოფას აყენებდნენ პოლიციას, ამის შემდეგ მოხდა დაპირისპირება
-
გადახედვახაბეიშვილი: ელისაშვილის ცემა იყო მიზანმიმართული, საზოგადოებას უთხრეს — თუ პარლამენტარს ასე ვექცევით, თქვენ უარესად მოგექცევით ხაბეიშვილი: ელისაშვილის ცემა იყო მიზანმიმართული, საზოგადოებას უთხრეს — თუ პარლამენტარს ასე ვექცევით, თქვენ უარესად მოგექცევით
-
გადახედვარა ეწერა რუსთავი 2-ის საინფორმაციოს უფროსის Whatsapp სტატუსში, რომელიც დღეს გამოქვეყნდა და მალევე წაიშალა რა ეწერა რუსთავი 2-ის საინფორმაციოს უფროსის Whatsapp სტატუსში, რომელიც დღეს გამოქვეყნდა და მალევე წაიშალა
-
გადახედვაოცნების დეპუტატის, გია ცაგარეიშვილის შვილი: მედვედევს რაც მოსწონს, დუგინს რაც მოსწონს — ჩვენ ავტომატურად არ მოგვწონს, 2x2 ოცნების დეპუტატის, გია ცაგარეიშვილის შვილი: მედვედევს რაც მოსწონს, დუგინს რაც მოსწონს — ჩვენ ავტომატურად არ მოგვწონს, 2x2
-
გადახედვაახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება ახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება
-
-
გადახედვატაბიძეზე მომხდარი დაჭრის ფაქტზე ერთ პირს ბრალი წარუდგინეს ტაბიძეზე მომხდარი დაჭრის ფაქტზე ერთ პირს ბრალი წარუდგინეს
-
გადახედვარატომ გაუჩინარდნენ ევროპის მონადირე-შემგროვებლები რატომ გაუჩინარდნენ ევროპის მონადირე-შემგროვებლები
-
გადახედვასაფრანგეთმა აზერბაიჯანიდან კონსულტაციებისთვის ელჩი გაიწვია საფრანგეთმა აზერბაიჯანიდან კონსულტაციებისთვის ელჩი გაიწვია
-
გადახედვასადგური, რომელსაც ჩინეთის მთავრობა აშენებს, ინტერნეტმა ჰიგიენურ საფენს მიამსგავსა სადგური, რომელსაც ჩინეთის მთავრობა აშენებს, ინტერნეტმა ჰიგიენურ საფენს მიამსგავსა
-
გადახედვაპარლამენტში გომელაურის მოსმენისას ხმაური იყო — პაპუაშვილმა სალომე სამადაშვილს დარბაზი დაატოვებინა პარლამენტში გომელაურის მოსმენისას ხმაური იყო — პაპუაშვილმა სალომე სამადაშვილს დარბაზი დაატოვებინა
-
გადახედვაევროკავშირს კი არა, ყველანაირ დასავლეთს დაგვავიწყებენ, არც ვიზალიბერალიზაცია შეგვრჩება — რას ამბობს ოპოზიცია ოფშორების კანონზე ევროკავშირს კი არა, ყველანაირ დასავლეთს დაგვავიწყებენ, არც ვიზალიბერალიზაცია შეგვრჩება — რას ამბობს ოპოზიცია ოფშორების კანონზე
-
გადახედვაპარლამენტმა ე.წ. ოფშორების შესახებ კანონი დაამტკიცა პარლამენტმა ე.წ. ოფშორების შესახებ კანონი დაამტკიცა
კომენტარები