აშშ-ის ელჩი ფორმულასთან საუბრობს, რომ პრობლემა მოდის დეზინფორმაციული კამპანიებით, რომლებიც უგულებელყოფს ან ამახინჯებს სიმართლეს.

რატომ არის მნიშვნელოვანი: ანტიდასავლური გზავნილები არაერთხელ გააჟღერა ქართულმა ოცნებამ და მასთან დაკავშირებულმა პირებმაც.

  • წასულები ანტიდასავლურ გზავნილების გავრცელების პარალელურად, აშშ-ის ელჩს, კელი დეგნანს წერილებითა და კითხვებით არაერთხელ მიმართეს.
  • წასულებმა არაერთხელ გააკრიტიკეს აშშ-ის ელჩი კელი დეგნანი და ევროკავშირის ყოფილ ელჩი, კარლ ჰარცელი, რაც სახელმწიფო დეპარტამენტმა და ევროკავშირმაც პარტნიორობისთვის შეუსაბამო საქციელად შეაფასა.
  • წასულები პირდაპირ თუ ირიბად ადანაშაულებენ დეგნანს "ომში ჩათრევისა" ან საქართველოში "მეორე ფრონტის" გახსნის სურვილში.

დეგნანმა კითხვებს პასუხი არაერთხელ გასცა და თქვა, რომ დასავლეთს არ უნდა ომი და რომ ომი მხოლოდ რუსეთს უნდა.

  • "ჩვენ ომი არ გვინდა, ჩვენ გვინდა მშვიდობა" — ამჯერად ამ სიტყვებით ქართულად უპასუხა კითხვას.
  • მისი თქმით, მისაღებია კითხვების დასმაც და ისიც, რომ ზოგჯერ შეიძლება არ ეთანხმებოდე ელჩს.
  • " სინამდვილეში ეს არის ძლიერი დემოკრატიის დამახასიათებელი ნისანი. შეგეძლოს არ დაეთანხმო, ეკამათო წახვიდე კომპრომისზე და მიაღწიო კონსენსუს ისე, რომ ყველამ გაიგოს, რომ რასაც აკეთებ ქვეყნის ან ხალხის ინტერესებში".
  • დეგნანი საუბრობს, რომ ყველაფერი რასაც აშშ საქართველოში აკეთებს ემსახურება საქართველოს მხარდაჭერას — "დაიცვას თავისი სუვერენიტეტი და დამოუკიდებლობა და იცხოვროს მშვიდობიანად".

ელჩის განცხადებით, ხედავს დეზინფორმაციულ კამპანიას საქართველოში განსაკუთრებით რუსეთის თავდასხმის შემდეგ უკრაინაზე.

  • "ეს გამიზნულია ქართველი ხალხის დაბნეულობისა და განხეთქილების შეტანისთვის. ისინი შექმნილია იმისთვის, რომ ხალხი შეაშინოს".
  • მან კიდევ ერთხელ გაიმეორა, რომ აშშ-ს არავითარი ინტერესი არ აქვს რომ საქართველო ჩაითრიოს რაიმე ომში.
  • "ჩვენ არასდროს გვიცდია საქართველოს ომში ჩათრევა არც ამ, და არც სხვა რომელიმე ომში".
  • "ეს არის პროპაგანდა — იქნება ეს რუსეთიდან თუ სხვისგან, რომ დაადანაშაულონ ამერიკა საქართველოს ინტერესების, მისი სუვერენიტეტის ან დამოუკიდებლობის წინააღმდეგ მოქმედებაში".