გერმანიის ელჩი საქართველოში, პეტერ ფიშერი საქართველოს კათოლიკოს-პატრიარქის, ილია მეორის ჯანმრთელობის მდგომარეობას გამოეხმაურა. მან დაწერა, რომ წუხს ილია მეორის ჯანმრთელობის მდგომარეობის გაუარესების გამო.

"ვწუხვარ უწმინდესის და უნეტარესის, სრულიად საქართველოს კათოლიკოს-პატრიარქ ილია მეორის ჯანმრთელობის მდგომარეობის გაუარესების გამო. ღმერთმა დალოცოს და დაიფაროს იგი", — დაწერა პეტერ ფიშერმა X-ზე.

ცნობისათვის, საქართველოს საპატრიარქოს ცნობით, "ჯანმრთელობის მდგომარეობის მოულოდნელი გართულების გამო საქართველოს კათოლიკოს-პატრიარქი ილია II ამჟამად კავკასიის მედიცინის ცენტრში იმყოფება".