ადვოკატ რამაზ ჩინჩალაძის თქმით, აქამდე გრიფი საქმის მხოლოდ ერთ ნაწილს ედო.

რატომ არის მნიშვნელოვანი: გოგაშვილი 16 ივლისს დააკავეს, მას ბრალდება სამი მუხლით აქვს წაყენებული. ცეცხლსასროლი იარაღის მართლსაწინააღმდეგო შეძენა-შენახვა-ტარების, სამსახურეობრივი უფლებამოსილების გადამეტების და პირადი ცხოვრების ამსახველი ინფორმაციის ან პერსონალური მონაცემების ხელყოფის მუხლებით.

  • გოგაშვილი აცხადებს, რომ დაკავება წესების დაცვით არ მომხდარა, განჩინება მხოლოდ ჩხრეკაზე იყო გაცემული და ის ძალადობრივი მეთოდებით დააკავეს.
  • პირველი სასამართლო პროცესი, რომელიც ბრალდების მხარის მოთხოვნით დაიხურა 18 ივლისს ჩატარდა და მას წინასწარი პატიმრობა შეეფარდა.

ადვოკატის თქმით, საქმეს გრიფით საიდუმლო დაადო პიროვნებამ, ვისაც იოსებ გოგაშვილი და მისი ოჯახი ადანაშაულებს კონკრეტულ გადაცდომებსა და შეიძლება ითქვას, დანაშაულის ჩადენაშიც კი.

  • "ეს არის ბატონი ღამბაშიძე. მან გამოიტანა წერილობითი გადაწყვეტილება საქმის მასალებს დადგებოდა გრიფით საიდუმლო".
  • ადვოკატი აღნიშნავს, რომ არ არსებობდა ამ საქმის გრიფით საიდუმლოს დადების სამართლებრივი საფუძველი.
  • "ვფიქრობ ის დარღვევები რომ არ გამოჩენილიყო სააშკარაოზე, რომელიც არსებობს სოსო გოგაშვილის დაკავებასა და წარდგენილ ბრალდებებთან დაკავშირებით, სწორედ ამიტომ მოხდა საქმის რულად გრიფირება".

გოგაშვილი ამბობს, მის სახელზე 13 რეგისტრირებული იარაღია, ხოლო ის 2 დაურეგისტრირებელი იარაღი, რომლის უკანონო ფლობასაც ედავებიან, ჩაუდეს.

  • გენისპექციის დირექტორის მოადგილის, გიორგი რამბაშიძის შესახებ, მან პირველ სასამართლო სხდომაზეც ისაუბრა.
  • გოგაშვილი ამბობს, რომ მას შემდეგ რაც ჰკითხა თუ რას აკეთებდა, ღამბაშიძე ყბაში დაარტყა, თავად შეაგინა, რის შემდეგაც ღამბაშიძემ კიდევ ერთხელ, ამჯერად ფერდში ჩაარტყა.

არქივიდან: დაკავებამდე რამდენიმე საათით ადრე გოგაშვილმა პოსტი გამოაქვეყნა, სადაც თვითმმართველობის არჩევნების დროს გაყალბების მტკიცებულებებზე ისაუბრა.

  • 21 ივლისს არასამთავრობო ორგანიზაციებმა გაასაჯაროეს 53-გვერდიანი ანგარიში, რომელიც გოგაშვილის მიწოდებულ დოკუმენტებზე დაყრდნობით მოამზადეს. ფაილების ავთენტურობა ჯერ არ დადასტურებულა.
  • 26 ივლისს გოგაშვილიმა ვრცელ წერილს გაავრცელა და შინაგან საქმეთა მინისტრს, ვახტანგ გომელაურს მიმართა. წერდა, რომ გომელაურმა შვილის საქმრო ეთნიკურობის გამო გაატაცებინა და აწამებინა.
  • ისაუბრა იმაზეც, რომ მუხთარლი ივანიშვილის დავალებით გაიტაცეს, ხოლო ხვედელიძე ივანიშვილის დავალებით, ტელეფონზე გინების გამო სცემეს