კლუბმა Facebook-გვერდზე დაწერა, რომ 24 ივლისს დაგეგმილი ღონისძიება გაუქმდა და On.ge-ის დაუდასტურა, რომ ეს მათი ინიციატივით მოხდა.

რატომ არის მნიშვნელოვანი: დღეს ცნობილი გახდა, რომ გოგიტიძე სოჭსა და მოსკოვში კონცერტებს გამართავს.

  • მაშინ, როცა მთელი ცივილიზებული მსოფლიო რუსეთის იზოლაციას ცდილობს და უკრაინას უცხადებს სოლიდარობას, რუსეთში ღონისძიებებში მონაწილეობას, მხოლოდ კრემლის და პუტინის პოლიტიკის მხარდამჭერები იღებენ.

დეტალები: Sector 26-ის განცხადებით, 24 ივლისს დაგეგმილი ახალი ღონისძიებას მალე დააანონსებენ.

  • ამ კლუბში გოგიტიძეს კონცერტი აქამდე არაერთხელ ჰქონია — მას ბათუმში სხვა ღონისძიებებიცც აქვს დაგეგმილი;
  • მაგალითად, ხვალ, 21 აგვისტოს რესტორან სან რემოში უნდა იმღეროს. On.ge-ის კითხვაზე, მიმდინარე მოვლენების ფონზე აპირებენ თუ არა ღონისძიების გაუქმებას, რესტორნის წარმომადგენელმა გვითხრა, რომ ინფორმაცია არ აქვთ და პასუხს მოგვიანებით გაგვცემენ.

გოგიტიძეს 14 ივლისს ფეისბუქზე გამოქვეყნებული აქვს ვიდეო, რომელშიც რუსულად მღერის. ის წერს, რომ იმღერებს ყველა ენაზე, ყველა ქვეყანაში, კუთხესა და კუნჭულში, სადაც საჭიროდ ჩათვლის. მომღერალი ამტკიცებს, რომ ენა და კულტურა ვერასდროს იქნება მტერი:

  • "ჩემი მტერი არის ზუსტად ის პროპაგანდისტული მანქანა რომელიც სათავეებშია და არა ხალხში. ჩვენ გვჯერა ყველასი და ყველაფრის გარდა ღმერთისა და საკუთარი თავისა... ხალხი ყველგან თითქმის ერთნაირია".
  • "მე ძალიან კარგად ვიცი ვის მიერაა ოკუპირებული ჩემი ქვეყანა. სწორედ ამიტომ ვმღერი ზუსტად იქ სადაც ვმღერი".
  • "მე ამ ხმას მივაწვდენ ყველას, ვისაც საჭიროა. თქვენ კი დამაკვირდით. საინტერესო გზაა ძალიან. მანამ სანამ მე ჩემს გზას გავივლი თქვენ აზიარეთ ჩემი პოსტები წერეთ კომენტარები. ვიღაცა მიიღებს მას ვიღაცა ვერა, მაგრამ ერთი დაიმახსოვრეთ: პლასმასის სახლებს აუცილებლად გაადნობს სიმართლის მზე".