უკრაინის პრეზიდენტი გათავისუფლების მიზეზად უწყებებში ღალატისა და მტერთან კოლაბორაციის ფაქტებს ასახელებს.

რატომ არის მნიშვნელოვანი: ომის დაწყების შემდეგ, უკრაინაში ეს პირველი სამთავრობო ცვლილებებია.

  • ზელენსკის განცხადებით, ამჟამად ამ უწყებების 60-ზე მეტი ყოფილი თანამშრომელი ოკუპირებულ ტერიტორიებზე რუსეთისთვის მუშაობს.

ზელენსკის თქმით, სამართალდამცველების წინააღმდეგ კოლაბორანტობისა და ღალატის მუხლებით 651 საქმეა აღძრული.

  • "ჩვენი ქვეყნის ეროვნული უსაფრთხოების წინააღმდეგ მიმართული დანაშაულების ასეთი რაოდენობა სერიოზულ კითხვებს აჩენს ამ უწყებების ხელმძღვანელების მიმართ".
  • აცხადებს, რომ ყველა შეკითხვას შესაბამისი პასუხი გაეცემა.

ივან ბაკანოვი უსაფრთხოების სამსახურის უფროსის თანამდებობაზე 2019 წლის აგვისტოში დაინიშნა. როგორც BBC წერს, ის პრეზიდენტის ბავშვობის მეგობარია.

  • BBC წერს იმასაც, რომ მისი თანამდებობიდან გათავისუფლების შემდეგ, ცნობილი გახდა, რომ ანექსირებული ყირიმის უსაფრთხოების სამსახურის ყოფილი ხელმძღვანელი ოლეჰ კულინიჩი ღალატის ბრალდებით დააკავეს.
  • უკრაინული მედიის ცნობით, დადგენილებაში, რომელიც უკრაინის პრეზიდენტმა გამოსცა, წერია, რომ ბაკანოვმა უგულებელყო საკუთარი უფლებამოსილებები, რამაც ადამიანების დაღუპვა და/ან სერიოზული შედეგები გამოიღო.

ირინა ვენედიქტოვა 2020 წლის მარტში გახდა გენერალური პროკურორი. ამჟამად მის მოვალეობებს ვენედიქტოვას მოადგილე შეასრულებს.

  • უკრაინსკა პრავდა წერს, რომ ზელენსკის გუნდის უკმაყოფილება გამოიწვია გენერალური პროკურორის აქტიურობამ და მისმა გადაწყვეტილებამ, რუსი სამხედრო პატიმრების წინააღმდეგ საქმეები სასამართლოში დაჩქარებული წესით გაეგზავნა.
  • რუსებთან მოლაპარაკებებში მონაწილე პირების აზრით, საქმეების დაჩქარებამ, შეიძლება, საფრთხე შეუქმნას რუსეთში უკრაინელი პატიმრებსა და ტყვეთა გაცვლის პროცესს.

ამ დრომდე უსაფრთხოების სამსახურის უფროს ივან ბაკანოვსა და გენერალურ პროკურორ ირინა ვენედიკტოვას კომენტარი არ გაუკეთებიათ.