2010 - 2017 წლებში მოქალაქეებმა ჯარის საქმიანობა ყველაზე ცუდად წელს შეაფასეს. გამოკითხული მოქალაქეების 7 პროცენტი აფასებს ჯარის საქმიანობას ცუდად. ასეთია NDI-ის კვლევის შედეგები, რომლის პრეზენტაციაც რამდენიმე წუთის წინ დასრულდა.

წელს გამოკითხული მოქალაქეების მხოლოდ 48 პროცენტი აფასებს ჯარის საქმიანობას დადებითად, 35 კი - საშუალოდ.

ჯარის საქმიანობას თითქმის 70 პროცენტი აფასებდა დადებითად 2012 წლის თებერვალში. ყველაზე ცოტა (დაახლოებით 1%) მოქალაქე ამ უწყების მუშაობას უარყოფითად 2013 წლის მარტში აფასებდა.

ფოტო: ფოტო პრეზენტაციიდან

NDI-ში აღნიშნავენ, რომ ყველა ტალღა წარმოდგენილობითია ქართულენოვანი მოსახლეობის. 2015 წლის აპრილის, 2016 წლის მარტისა და 2017 წლის აპრილის კი ასევე წარმომადგენლობითია უმცირესობათა დასახლებების.

კვლევის საველე სამუშაოები NDI-ის დაკვეთით, CRRC-იმ 2017 წლის 7-28 აპრილის პერიოდში ჩაატარა. გამოკითხული 2 493 მოქალაქე წარმომადგენლობითი შერჩევის წესით, მთელი ქვეყნის მასშტაბით (ოკუპირებული ტერიტორიების გარდა) შეირჩნენ და პირისპირ ინტერვიუს სახით გამოკითხეს. კვლევის ცდომილების ზღვარია 2,7 პროცენტი. კვლევა დიდი ბრიტანეთის მთავრობის UK aid-ის ფინანსური მხარდაჭერით ჩატარდა.