Apple-ის უახლესი მოდელი McBook Air M2, რომელიც კომპანიამ მსოფლიოს ახლახან წარუდგინა, საქართველოში 22 ივლისიდან გაიყიდება. ხოლო 15 ივლისიდან Apple-ის ოფიციალურ რესელერ მაღაზიებში, მოდელის წინასწარი გაყიდვები იწყება.

Apple-ის უახლესი პროდუქტი, MacBook Air-ი, აღჭურვილია M2 პროცესორით და წარმოდგენილია 13,6 ინჩიანი დისპლეის დიაგონალით.

Apple-მა მთლიანად განაახლა MacBook Air-ის ვიზუალური მხარე, შედეგად, კორპუსის ზომა წინამორბედთან შედარებით 21%-ით შემცირდა. დიზაინი მოგვაგონებს ბოლო MacBook Pro-ს: კიდეები უფრო კუთხოვანი გახდა.

ფოტო: Apple


განახლებული შავი კლავიატურა ჰარმონიას ქმნის ქეისის ახალ ფერებთან — Midnight და Starlight-თან. მოდელი ასევე ხელმისაწვდომია კლასიკურ ნაცრისფერ და ვერცხლისფერ ფერებში.

ფოტო: Apple


უახლესი MacBook Pro-ს მთავარი სიახლე, M2 პროცესორია. ის უფრო ძლიერია ვიდრე მისი წინამორბედი მოდელი, 18%-ით CPU-ის და 35%-ით GPU-ის თვალსაზრისით. ასეთი ძლიერი პროცესორი გამორიცხავს გაგრილების სისტემაში ვენტილატორის საჭიროებას და უზრუნველყოფს მუშაობის მაღალ დონეს აბსოლუტურად უხმაუროდ, მოწყობილობის ინტენსივობის მიუხედავად.

უახლესი მოდელის გამტარუნარიანობა 100GB/წ, კომბინირებული მეხსიერება — 24 GB-ია. ეკრანის დიაგონალი არის 13,6 ინჩი, ხოლო Liquid Retina ეკრანის სიკაშკაშე 500 nits-ი. ეს არის ყველაზე დიდი და კაშკაშა 1 მილიარდი ფერის მქონე ეკრანი MacBook Air-ზე. ტექსტი არის სუპერ მკვეთრი, ხოლო ფოტოები და ვიდეო უფრო კაშკაშაა, მაღალი კონტრასტით და დახვეწილი დეტალებით.

ფოტო: Apple

MacBook Air M2-ს აქვს 1080p წინა კამერა, გაუმჯობესებული ხედვით დაბალი განათების პირობებში. ლეპტოპი უზრუნველყოფს ორ Thunderbolt პორტს, ყურსასმენის ჯეკს და MagSafe -ს - კონექტორს სწრაფი დატენის ფუნქციით, რისი წყალობითაც ბატარეის 80% 20 წუთში იტენება. განახლებულ ბატარეას 18 საათიანი ვიდეოს უწყვეტი გაშვება შეუძლია.

ახალი MacBook Air M2-ის ფასი საქართველოში 4599 ლარიდან იწყება. დღეიდან, 15 ივლისიდან, წინასწარი შეკვეთების განხორციელება Apple-ის ოფიციალურ რესელერ მაღაზიებში შეგეძლებათ: iSpace, iTechnics, Elit, ALTA, iPlus, iStore.