ეროვნულ-დემოკრატიული ინსტიტუტის (NDI) მიერ დღეს გამოქვეყნებული კვლევის შედეგების მიხედვით, გამოკითხულთა 69 პროცენტი მოელის, რომ მომავალი თაობა მის თაობაზე უკეთ იცხოვრებს.

კითხვაზე, "საერთო ჯამში, რას მოელით, რომ მომავალი თაობა თქვენს თაობაზე უკეთესად იცხოვრებს, იგივენაირად თუ უარესად?", მოსახლეობის 12% პასუხობს, რომ უარესად, ხოლო 9 პროცენტი - იგივენაირად.

კვლევის საველე სამუშაოების NDI-ის დაკვეთით CRRC-იმ 2017 წლის 7-28 აპრილის პერიოდში ჩაატარა. გამოკითხულია 2 493 მოქალაქე. ისინი წარმომადგენლობითი შერჩევის წესით, მთელი ქვეყნის მასშტაბით (ოკუპირებული ტერიტორიების გარდა) შეირჩნენ და პირისპირ ინტერვიუს სახით გამოიკითხნენ. კვლევის ცდომილების ზღვარია 2,7 პროცენტი. კვლევა დიდი ბრიტანეთის მთავრობის UK aid-ის ფინანსური მხარდაჭერით ჩატარდა.