დუშეთის რაიონის სოფელ ჭართალში მოსახლეობის ნაწილი ელექტროგადამცემი ხაზების სამონტაჟო სამუშაოებს აპროტესტებს. აქციის მონაწილეები ფიქრობენ, რომ სოფელში მაღალი ძაბვის გადამცემი ხაზის დამონტაჟება მათ ჯანმრთელობის პრობლემებს შეუქმნის. ამის შესახებ ინფორმაციას საზოგადოებრივი მაუწყებელი ავრცელებს.

მაუწყებლის ინფორმაციით, მოსახლეობის გამოჩენის შემდეგ, მუშებმა ტექნიკის მუშაობა შეაჩერეს. ვიდეოში, რომელიც საზოგადოებრივმა მაუწყებელმა გაავრცელა ისმის შეურაცხმყოფელი სიტყვები.

ეს პირველი შემთხვევა არაა, როცა მოსახლეობა მაღალი ძაბვის გადამცემი ხაზების მშენებლობას აპროტესტებს. 10 მაისს, ფასანაურში, ხანდოს ხეობაში, მოსახლეობის ნაწილი იმ სპეცტექნიკის შეჩერებას ცდილობს, რომელიც, მათი თქმით, მაღალი ძაბვის ელექტროგადამცემი ხაზის მშენებლობისთვის არის მიყვანილი.