მეოთხე წელია რაც თოდუას კლინიკაში Check-Up სერვისი დაინერგა. ის ჯანმრთელობის პროფილაქტიკურ სამედიცინო გამოკვლევას ანუ დაავადების განვითარების რისკფაქტორების ან პათოლოგიების ადრეულ სტადიაზე გამოვლენას გულისხმობს. შესაბამისად, მისი მიზანი ჯანმრთელობის პოტენციური პრობლემების წინასწარ აღმოფხვრა, მკურნალობის გამარტივება და სამედიცინო ხარჯების დაზოგვაა.

რას გულისხმობს უფრო კონკრეტულად Check-Up, რატომ უნდა ვისარგებლოთ ამ სერვისით და როგორ მივიღოთ მომსახურება? — ამ და სხვა საკითხებზე დეტალურად ვესაუბრეთ Check-Up -ს განყოფილების ხელმძღვანელს თამარ ეჯიბაძესა და თოდუას კლინიკის ვერის ფილიალის თერაპევტს, მაკა ღუჭაშვილს.

კონკრეტულად, რას გულისხმობს Check-Up სერვისი და რატომ გადაწყვიტეთ თოდუას კლინიკაში მისი დანერგვა?

თამარ ეჯიბაძე: — "Check-Up ჯანმრთელობის პროფილაქტიკური სამედიცინო გამოკვლევაა, რომელიც თავს უყრის ლაბორატორიულ-ინსტრუმენტულ კვლევებს და აერთიანებს სხვადასხვა სპეციალისტის კონსულტაციებს. პაციენტი მთელ ამ მომსახურებას ერთ სივრცეში და ვიზიტის ფარგლებში, რამდენიმე საათში იღებს. Check-Up-ი ამომწურავ ინფორმაციას იძლევა პაციენტის ჯანმრთელობის შესახებ, მის პოტენციურ საფრთხეებსა და რისკ-ფაქტორებზე და ეხმარება მას მათ აცილებასა თუ მართვაში. Check-Up-ის დროს ხშირად ვლინდება ადრეული სტადიის, უსიმპტომოდ მიმდინარე დაავადებებიც, რომელთა მკურნალობაც, ასეთ დროს გაცილებით მარტივი და ეფექტურია.

განვითარებულ ქვეყნებში ჯანმრთელობის პროფილაქტიკური გამოკვლევების ხანგრძლივი პრაქტიკა არსებობს და ამგვარი სერვისებიც დიდი ხანია დანერგილია. თოდუას კლინიკა ყოველთვის გამორჩეულია სამედიცინო სფეროში არსებული თანამედროვე მიდგომების საქართველოში შემოტანით და, ამ მხრივაც, ერთ-ერთი პირველი იყო, რომელმაც ქვეყანაში Check-Up სერვისი გახადა ხელმისაწვდომი".

Check-Up-ის სერვისი სხვადასხვა პაკეტებს მოიცავს, რა პრინციპითაა ისინი დაკომპლექტებული?

მაკა ღუჭაშვილი: — "კვლევების შერჩევისას აუცილებელია გავითვალისწინოთ პაციენტის ასაკი, სქესი, მისი ჩივილები, გენეტიკური განწყობები და ა.შ. ყველას ერთი და იგივე და ერთნაირად სიღრმისეული კვლევა არ სჭირდება. ამიტომ, Check-Up-ის პაკეტებიც მრავალფეროვანია, რათა პაციენტებს მაქსიმალურად მოერგოს. მათი შერჩევა ინდივიდუალურად ხდება, რისთვისაც წინასწარ ვნიშნავთ პაციენტთან კონსულტაციას და მისი ჯანმრთელობის შესახებ მაქსიმალურად დეტალურ ინფორმაციას ვაგროვებთ. გვაქვს: ბაზისური, სტანდარული, გაფართოებული სტანდარტული და პრემიუმ პაკეტები, რომლეbიც მცირედ განსხვავებულია ქალისა და მამაკაცის შემთხვევაში".

ფოტო: თოდუას კლინიკა

რა პროცედურების გავლა მოუწევს პაციენტს Check-Up სერვისით სარგებლობისას?

თამარ ეჯიბაძე: — "პაკეტის შერჩევის შემდეგ, პაციენტს ეგზავნება შესაბამისი რეკომენდაციები, რომლებიც გამოკვლევების ჩატარებამდე უნდა გაითვალისწინოს. კლინიკაში მოსულს კი ჯანმრთელობის პერსონალური მენეჯერი ხვდება, რომელიც აგვარებს ყველა ბიუროკრატიულ საკითხს, უზრუნველყოფს პაციენტის სამედიცინო მეთვალყურეობას და დოკუმენტაციის წარმოებას.

პაციენტის განთავსება ხდება სპეციალურად გამოყოფილ სივრცეში. სადაც მას სხვადასხვა სამედიცინო სერვისების მიღების გარდა, შესაძლებლობა აქვს, დაისვენოს. სერვისის ფარგლებში, გათვალისწინებულია პაციენტის კვებაც.

დღის ბოლოს პაციენტს აქვს ამომწურავი ინფორმაცია საკუთარი ჯანმრთელობის მდგომარეობის შესახებ — სპეციალისტების მიერ გაცემული დანიშნულებებითა და რეკომენდაციებით.

საჭიროების შემთხვევაში, პაციენტის მკურნალობის გეგმას ადგენს კონსილიუმი.

იმ შემთხვევაში თუ პაციენტს კონკრეტულად მასზე მორგებული სამედიცინო სერვისების მიღება სურს, შეუძლია ისარგებლოს VIP მომსახურებით, რაც გულისხმობს იმავე უპირატესობებით სარგებლობას, რომლებითაც Check Up-ის პაციენტები სარგებლობენ".

VIP მომსახურება ვრცელდება კლინიკაში არსებულ ყველა სამედიცინო სერვისზე.

როგორია თოდუას კლინიკის ტექნოლოგიური ბაზა?

მაკა ღუჭაშვილი: — "თოდუას კლინიკის ერთ-ერთი უმთავრესი უპირატესობა სწორედ ისაა, რომ აქ ხელი მიგვიწვდება უახლეს ტექნოლოგიებზე. კლინიკა აღჭურვილია მაღალტექნოლოგიური აპარატურით. ერთ სივრცეში შეგვიძლია მივიღოთ ყველა ის სერვისი, რაც საჭიროა ზუსტი დიაგნოზის დასასმელად. ეს ეხება, როგორც ლაბორატორიული კვლევების ჩასატარებლად საჭირო ინვენტარს და ანალიზატორებს, ისე ფართო სპექტრის რადიოლოგიურ კვლევას. კლინიკა აღჭურვილია უახლესი თაობის კომპიუტერული ტომოგრაფიის, მაგნიტურ-რეზონანსული ტომოგრაფიის, ექოსკოპიისა თუ რენტგენის აპარატებით, თანამედროვე აპარატურა საშუალებას იძლევა მინიმალური დასხივების ფონზე მივიღოთ ძალიან მაღალი ხარისხის გამოსახულება. ამ თანამედროვე ტექნოლოგიების დახმარებით გაცილებით მარტივია დაავადების ადრეულ სტადიაზე გამოვლენა, მისი შემდგომი პროგრესირების თავიდან აცილება და შესაბამისად მისი მართვა".

ფოტო: თოდუას კლინიკა

რამდენად არის მოთხოვნა Check-Up სერვისზე?

თამარ ეჯიბაძე: — "ბოლო წლებმა გვაჩვენა, რომ Check Up-ი მოთხოვნადი სამედიცინო სერვისია, რადგან დაავადებების ადრეული დიაგნოსტირება შესაძლებელს ხდის სიპმტომების გამოვლენამდე აღმოვფხვრათ ჯანმრთელობის პოტენციური პრობლემები".

Check Up- სერვისზე დეტალური ინფორმაციის მისაღებად დაგვიკავშირდით: 596 58 57 57