NDI-ს კვლევის მიხედვით, საგარეო პოლიტიკის შესახებ ინფორმაციის მისაღებად ყველაზე მეტი ადამიანი (36%) ტელეკომპანია რუსთავი 2-ს ენდობა, ეს მაჩვენებელი შედარებით ნაკლები (28%) აქვს ტელეკომპანია იმედს.

კვლევის შედეგების მიხედვით, რომელიც NDI-მ დღეს გაასაჯაროვა, ირკვევა, რომ აღნიშნულ კომპონენტში საზოგადოებრივ მაუწყებელს სამი პროცენტი ენდობა, ობიექტივს კი - ორი. ქართული არხებიდან კიდევ უფრო პატარა მაჩვენებელი (1%) აქვს მაესტროს, პალიტრანიუსსა და ტვ პირველს. მოსახლეობის იმდენივე წილი (1%) ენდობა რუსეთის პირველ არხს (ORT)-ს რამდენიც ენდობა BBC World News-ს და CNN-ს ცალ-ცალკე.

დანარჩენმა არხებმა, ჯამში, ოთხი პროცენტი დააგროვეს. გამოკითხულთა ამდენივე ნაწილი ამბობს, რომ "არ იცის", კითხვაზე პასუხს არ სცემს ერთი პროცენტი. გამოკითხულთა 17 პროცენტი არცერთ არხს ენდობა.

საქართველოში ტელევიზია ინფორმაციის მიღების მთავარი წყაროა. გამოკითხულთა 76 პროცენტი მას პირველ წყაროდ იყენებს, მეორე წყაროდ კი - 15.

ფოტო: ფოტო პრეზენტაციიდან

კვლევის საველე სამუშაოები NDI-ის დაკვეთით, CRRC-იმ 2017 წლის 7-28 აპრილის პერიოდში ჩაატარა. გამოკითხული 2 493 მოქალაქე წარმომადგენლობითი შერჩევის წესით, მთელი ქვეყნის მასშტაბით (ოკუპირებული ტერიტორიების გარდა) შეირჩნენ და პირისპირ ინტერვიუს სახით გამოკითხეს. კვლევის ცდომილების ზღვარია 2,7 პროცენტი. კვლევა დიდი ბრიტანეთის მთავრობის UK aid-ის ფინანსური მხარდაჭერით ჩატარდა.