NDI-ის მიერ დღეს გამოქვეყნებული კვლევის მიხედვით, მოსახლეობის 16 პროცენტისთვის პოლიტიკისა და მიმდინარე მოვლენების შესახებ ინფორმაციის მიღების მთავარი წყარო ინტერნეტია. ინტერნეტი მეორე არჩევნად დაასახელა 25-მა პროცენტმა.

რაც შეეხება ტელევიზიას, ის კვლავ რჩება მოსახლეობის ძირითადი ნაწილისთვის, 76 პროცენტისთვის, ინფორმაციის მიღების მთავარ წყაროდ.

მეგობრები და მეზობლები ინფორმაციის წყაროს წარმოადგენს სამი პროცენტისთვის, რაც შეეხება ბეჭდურ მედიას, ის მხოლოდ ერთი პროცენტისთვის წარმოადგენს ინფორმაციის მთავარ წყაროს, რაც კვლევაში დაშვებული ცდომილების ზღვარს მიღმაა.

2016 წელს ინტერნეტი მთავარი წყარო მოსახლეობის 14 პროცენტისთვის იყო, 2015 წელს კი - 7.

კვლევის საველე სამუშაოები NDI-ის დაკვეთით, CRRC-იმ 2017 წლის 7-28 აპრილის პერიოდში ჩაატარა. გამოკითხული 2 493 მოქალაქე წარმომადგენლობითი შერჩევის წესით, მთელი ქვეყნის მასშტაბით (ოკუპირებული ტერიტორიების გარდა) შეირჩნენ და პირისპირ ინტერვიუს სახით გამოკითხეს. კვლევის ცდომილების ზღვარია 2,7 პროცენტი. კვლევა დიდი ბრიტანეთის მთავრობის UK aid-ის ფინანსური მხარდაჭერით ჩატარდა.