აშშ-ის საელჩოსთვის განცხადებით, მათთვის ცნობილია ინფორმაცია დამოუკიდებლობის დღისადმი მიძღვნილი ღონისძიებისას საელჩოს ტერიტორიაზე დაპირისპირების შესახებ.

რატომ არის მნიშვნელოვანი: TV პირველის დამფუძნებელს დეპუტატი ანრი ოხანაშვილი დაესხა თავს.

  • ვატო წერეთელი საელჩოსგან კადრების გასაჯაროებას ითხოვს.

დეტალები: TV პირველის საინფორმაციო სამსახურის ხელმძღვანელი Facebook-ზე წერს, რომ ანრი ოხანაშვილთან ერთად ფიზიკურ ანგარიშსწორებაში მონაწილეობდნენ დეპუტატი ლევან მგალობლიშვილი და ირაკლი ზარქუა.

  • მელაძე საუბრობს, რომ გაშველებისას დაზიანდა TV პირველის აღმასრულებელი დირექტორი ნანა აბურჯანიძე.

ოხანაშვილი ამტკიცებს, თითქოს წერეთელმა "უბინძურესი პროვოკაცია მოაწყო".

  • არ აკონკრეტებს რა პროვოკაციაზეა საუბარი, თუმცა აცხადებს, რომ "ამას ვერც ერთი ქართველი ვერ მოითმენდა".