გადაწყვეტილება იუსტიციის უმაღლესმა საბჭომ მიიღო და ის თანამდებობას 5 წლის ვადით დაიკავებს. ამ პოზიციაზე მხოლოდ ჩინჩალაძის კანდიდატურა იყო წარდგენილი.

რატომ არის მნიშვნელოვანი: ჩინჩალაძე ე.წ. მოსამართლეთა კლანის ლიდერად მოიაზრება. არასამთავრობო სექტორის კვლევების საფუძველზე, დროას ლიდერმა, ელენე ხოშტარიამ მისი დასანქცირება მოითხოვა.

დეტალები: სოციალური სამართლიანობის ცენტრის წარმომადგენელი, გურამ იმნაძე მიუთითებს, რომ ჩინჩალაძე ამ პოზიციაზე მეორედ აირჩიეს.

  • აღნიშნავს, რომ საბჭოს დღევანდელი შემადგენლობის დიდ ნაწილს, ასევე, სააპელაციოს მოსამართლეებს ის, შესაძლოა, ნანახიც არ ჰყავდეთ, თუმცა კანდიდატურას "უპირობოდ დაუჭირეს მხარი".
  • იმნაზე ხაზს უსვამს იმასაც, რომ მართლმსაჯულებაზე მომუშავე არასამთავრობოებმა მოსამართლეებს მოუწოდეს, ჩინჩალაძის კანდიდატურისთვის მხარი არ დაეჭირათ.
  • "საბჭო თვეზე მეტხანს წელავდა ამ საკითხზე გადაწყვეტილების მიღებას და როგორც კი ევროკავშირის საბჭოს გადაწყვეტილება გამოცხადდა 24-ში, ჩინჩალაძესაც ჩაახუტეს გარანტირებული თავმჯდომარეობა".

ნაზი ჯანეზაშვილი ამბობს, რომ მოსამართლეებს შორის განსხვავებული აზრი არავის ჰქონია. იუსტიციის უმაღლესი საბჭოს ყოფილი არამოსამართლე წევრი ფეისბუქგვერდზე დარბაზში გაჟღერებულ რამდენიმე ფრაზას წერს:

  • "თუ ვინმე უნდა იყოს თბილისის სააპელაციო სასამართლოს თავმჯდომარე, მაშინ მიხეილ ჩინჩალაძე".
  • "ვეთანხმები ბატონ ირაკლის, მიხეილ ჩინჩალაძე არის ღირსეული კანდიდატურა, სათანადო უნარებით აღჭურვილი".
  • "მეც მხარს ვუჭერ, წლებია ვიცნობ".
  • "დაახლოებით 10 თვეა აქ ვმუშაობ, აღფრთოვანებული ვარ".