შვეიცარიაში მსოფლიოს უგრძესი და უღრმესი რკინიგზის გვირაბი, 20 წლიანი მუშაობის შემდეგ, იხსნება. გოტარდის გვირაბი მის უღრმეს წერტილს მთის ქვეშ გაივლის.

BBC-ის ინფორმაციით, 57.1კმ-იანი გვირაბი უსწრაფესად დააკავშირებს შვეიცარიის ალპებსა და სამხრეთ ევროპას.

შვეიცარიის წარმომადგენლობის განცხადებით, აღნიშნული გვირაბი ტვირთის გადაზიდვით მხრივ, რევოლუციური ნაბიჯია. ტვირთი აქამდე წელიწადში მილიონი სატვირთო მანქანით იტვირთებოდა.

ევროპის ახალმა გვირაბმა მსოფლიოში ყველაზე გრძელი იაპონიის 53.9კმ-იანი სარკინიგზო გვირაბი მეორე ადგილზე გადაიტანა. ბრიტანეთისა და საფრანგეთის დამაკავშირებელი გვირაბი (50.5კმ) კი მესამეზე გადავიდა.

ოფიციალურ გახსნას დაესწრებიან გერმანიის კანცლერი ანგელა მერკელი, საფრანგეთის პრეზიდენტი ფრანსუა ოლანდი და იტალიის პრემიერი მატეო რენცი.