დღეს, 9 მაისს, კიევის საერთაშორისო საგამოფენო ცენტრში, ევროვიზიის პირველი ნახევარფინალური კონცერტი გაიმართა. ჟიურისა და მაყურებლის ერთობლივი გადაწყვეტილებით 18 კონკურსანტიდან 10, ფინალში გადავიდა.

საქართველოს წარმომადგენელი, მომღერალი თამარა გაჩეჩილაძე, რომელიც ევროპელი მაყურებლის წინაშე, სიმღერით Keep The Faith წარსდგა, სამწუხაროდ ფინალში ვერ მოხვდა.

ათეულშია აზერბაიჯანი, საბერძნეთი, შვედეთი, პორტუგალია, პოლონეთი, სომხეთი, ავსტრალია, კვიპროსი, მოლდოვა და ბელგია.

გრანდიოზული მუსიკალური კონკურსის მეორე ნახევარ ფინალი 11, ხოლო ფინალი 13 მაისს გაიმართება.