გახსოვს ვიდეო, რომელშიც გველი გზაზე მიმავალ ტაილანდელი ბაიკერის კბენას ცდილობდა? მაშინ ის ადამიანი გადარჩა და საფრთხე, პრინციპში, არც ისე დიდი ყოფილა.

აი, სლოვაკი ველოსპორტსმენები კი ბევრად უფრო სახიფათო მდგომარეობაში აღმოჩნდნენ. თავიდანვე გეტყვით, რომ ორივე მათგანი გადარჩა, მაგრამ ალბათ ძალიან შეეშინდათ.

ბაიკერები მშვიდად ეშვებიან ტრასაზე, რა დროსაც ტყიდან უშველებელი დათვი გამორბის და ცდილობს წინ მიმავალ სპორტსმენს დაეწიოს და თავს დაესხას. მას შემდეგ, რაც ველოსიპედისტი მისგან გაქცევას ახერხებს, დათვი ჭკვიანურად იქცევა და ცდილობს მას გზა მოუჭრას, რა დროსაც სპორტსმენს უკნიდან თავისი კოლეგა ეძახის და საფრთხის შესახებ აცნობებს. ველოსიპედისტი ჩერდება და უკან ბრუნდება. სად წავიდა დათვი, ეს ვიდეოში ნაჩვენები არ არის. სავარაუდოდ ის კვლავ ტყეში მიიმალა და მომდევნო მსხვერპლის მოლოდინში უკეთ მოემზადება.