უკრაინის პრეზიდენტის, ვოლოდიმირ ზელენსკის განცხადებით, გარკვეული პოზიტივი აქვთ ზაპოროჟიეს რეგიონში. მისივე თქმით, თანდათან წინ მიიწევენ ხარკოვის რეგიონში. "ვათავისუფლებთ ჩვენს მიწას", — ამბობს ზელენსკი.

"გარკვეული პოზიტივი გვაქვს ზაპოროჟიეს რეგიონში, სადაც შესაძლებელია ოკუპანტების გეგმების ჩაშლა. ჩვენ თანდათან წინ მივდივართ ხარკოვის რეგიონში, ვათავისუფლებთ ჩვენს მიწას. ჩვენ ვინარჩუნებთ დაცვას ნიკოლაევის მიმართულებით", — აცხადებს ზელენსკი.

მან ისაუბრა, რომ ფრონტზე სიტუაცია არსებითად არ შეცვლილა. სევეროდონეცკში კვლავ მიმდინარეობს ბრძოლები.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.