ლუგანსკის გუბერნატორი სერგეი გაიდაი აცხადებს, რომ სევეროდონეცკის დათმობას არ აპირებენ.

"არავინ აპირებს სევეროდონეცკის დათმობას [...] სევეროდონეცკში სასტიკი ბრძოლები მიმდინარეობს, ჩვენი მცველები ქალაქის ყველა სანტიმეტრისთვის იბრძვიან", — წერს ის ტელეგრამში.

გაიდაის თქმით, რუსები ლისიჩანსკ-ბახმუტის გზას ძლიერად ესვრიან, თუმცა ვერ აკონტროლებენ და ისინი არ იყენებენ ამ გზას, რადგან ძალიან საშიშია.

ის, ასევე, წერს, რომ რუსეთის გეგმა არ შეცვლილა და მათ სურთ, სევეროდონეცკი 10 ივნისამდე აიღონ.

სევეროდონეცკში ახლა მთავარი ბრძოლები მიმდინარეობს. ლუგანსკის რეგიონული სამხედრო ადმინისტრაციის ხელმძღვანელმა, სერგეი გაიდაიმ 6 ივნისს განაცხადა, რომ სევეროდონეცკში უკრაინის პოზიციები გაუარესდა.

გაიგე მეტი: