12 ოქტომბერს, ევროკავშირის საგარეო საქმეთა საბჭოს სხდომაზე საქართველოს საკითხსაც განიხილავენ. ამის შესახებ ცნობილი სხდომის დღის წესრიგიდან ხდება, რომელიც ევროკავშირის ოფიციალურ ვებგვერდზეა გამოქვეყნებული.

"მიმდინარე საკითხების ფარგლებში საბჭო საქართველოში არსებულ ვითარებას განიხილავს", — აღნიშნულია პრესრელიზში, თუმცა, სხვა არაფერია ნახსენები.

საგარეო საქმეთა საბჭოს სხდომას ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში, კაია კალასი უხელმძღვანელებს.

სხდომაზე დაგეგმილია უკრაინაში რუსეთის ომის საკითხზე მსჯელობა, ასევე, ახლო აღმოსავლეთის რეგიონში არსებული ვითარება. განსახილველი საკითხი იქნება ასევე ევროკავშირის გაფართოების გავლენა ბლოკის უსაფრთხოებასა და თავდაცვაზე.