უკრაინის შინაგან საქმეთა სამინისტროს განცხადებით, ყველაზე ცხელი წერტილები ქალაქებში, სევეროდონეცკსა და სლავიანსკშია. მინისტრის თქმით, სევეროდონეცკში ვითარება ძალიან მძიმეა. ოკუპანტებმა ქალაქში საკუთარი ჯარების მნიშვნელოვანი ნაწილი შეიყვანეს.

"რუსები ახლა იქ საკუთარი ძალების მაქსიმალურ მობილიზებას ახორციელებენ. უკვე 20-ზე მეტი ტაქტიკური ბატალიონი ჰყავთ კონცენტრირებული. თითოეულ ასეთ ჯგუფში 600-800 ადამიანია. ასევე, არის 300-ზე მეტი ჯავშატრანსპორტიოტი, 10 ტანკი", — აღნიშნა მან.

სევეროდონეცკში ახლა მთავარი ბრძოლები მიმდინარეობს. როგორც ლუგანსკის ოლქის ადმინისტრაციის ხელმძღვანელმა, სერგეი გაიდაიმ თქვა, ოკუპანტები სევეროდონეცკის 80%-ს აკონტროლებენ. მისი თქმით, გრძელდება ქუჩებში ბრძოლები.

3 ივნისს ვოლოდიმირ ზელენსკიმ განაცხადა, რომ უკრაინას სევეროდონეცკში გამართულ ბრძოლებში გარკვეული წარმატებები აქვს.