დიდი ბრიტანეთის პრემიერმინისტრის, ბორის ჯონსონის განცხადებით, უკრაინასა და რუსეთს შორის ცუდი სამშვიდობო შეთანხმების მისაღებად მსოფლიო ლიდერებმა ზელენსკიზე ზეწოლა არ უნდა მოახდინონ. მისივე თქმით, დიდი ბრიტანეთი უკრაინის მხარდამჭერ ქვეყნებს შორის წინა პლანზე დარჩება.

როგორც BBC წერს, პრემიერმინისტრის სპიკერის თქმით, ჯონსონმა მინისტრთა კაბინეთთან შეხვედრაზე აღნიშნა, რომ ცუდი სამშვიდობო შეთანხმებები დიდხანს არ გრძელდება.

საგარეო საქმეთა მინისტრმა ლიზ ტრუსმა ასევე განაცხადა კაბინეტის სხდომაზე, რომ ლონდონი ამზადებს შემდგომ სანქციებს რუსეთის წინააღმდეგ.

უკრაინის აცხადებს, რომ არ დათანხმდება რუსეთთან ცეცხლის შეწყვეტის შეთანხმებას, ტერიტორიის დათმობის ხარჯზე.

ესტონეთის პრემიერმინისტრის, კაია კალასის განცხადებით, ცეცხლის შეწყვეტა არ ნიშნავს ოკუპირებულ ტერიტორიებზე სისასტიკის შეწყვეტას. მისი თქმით, ამ მიმართულებით შეცდომები დაუშვეს საქართველოში, დონბასსა და ყირიმში.