რუსმა სამხედროებმა ხარკოვის ერთ-ერთ ნაწილს ცეცხლი გაუხსნეს. ინფორმაციას მერი იგორ ტერეხოვი ადასტურებს. თავდასხმა უკრაინის პრეზიდენტის, ვოლოდიმირ ზელენსკის ვიზიტიდან რამდენიმე საათში მოხდა.

როგორც უკრაინული მედია სუსპილნე წერს, დაბომბეს სოფელ ჟუკოვსკის ტერიტორია. დაზიანდა სახლები, მანქანები, მაღაზიები ავტოფარეხები და სათამაშო მოედანი.

"ოკუპანტები აგრძელებენ სროლას. დღესაც სამწუხაროდ ქალაქ ხარკივის ერთ-ერთ ნაწილზე იერიში მიიტანეს", — თქვა ტერეხოვმა.

დღეს, 29 მაისს ხარკივის ოლქში ზელენსკი იყო ჩასული. მან ფრონტის ხაზთან სამხედროები მოინახულა და მედლები გადასცა.