ბიზნესის, სამყაროს და ქვეყნის უკეთესად გასაცნობად, როგორც წესი, ლიტერატურა უფრო გვეხმარება, ჩემს შემთხვევაშიც ასეა. მინდა გაგაცნოთ ბიზნეს და სხვა ლიტერატურის ჩემეული მოკლე სია, რომელიც VELI.store-ზე უნდა შეიძინოთ.

1. Learn Better: Mastering The Skills For Success In Life, Business, And School, Or How To Become An Expert In Just About Anything

ეს შესანიშნავად ნაკვლევი წიგნი გვიყვება ამბავს იმის შესახებ თუ როგორ შეიცვალა დროთა განმავლობაში სწავლისა და შეთვისების მეთოდები. ავტორი 6 საკვანძო ხერხს აღწერს, თუ როგორ უნდა "ვისწავლოთ სწავლა". მაგალითად, როგორ შეიმუშავა ჯექსონ პოლოკმა თავის უნიკალური ხატვის სტილი და როგორ შეუძლიათ ბავშვებს ზეადამიანური სისწრაფით გამოთვალონ მათემატიკური თავსატეხები იაპონური მეთოდის საშუალებით. ვფიქრობ, რომ ეს წიგნი ახალი გამოწვევების გადაჭრის კარგი საშუალებაა, რადგან საკუთარი გონების მაქსიმალურად გამოყენების ტექნიკებს გვასწავლის.

2. Switch

ახალი არ არის, რომ ჩვენ გონებას რაციონალური და ემოციური სფეროები დაჰპატრონებიან. სწორედ ამიტომ, უამრავი წინააღმდეგობის წინაშე ხან ერთი გვიბიძგებს თავისკენ, ხან მეორე. თუმცა მაშინ, როცა ორივე რაციონალურ და ემოციურ მხარეებს ერთად ვიყენებთ, ხდება უდიდესი ცვლილებები — ჩვეულებრივი ადამიანები, დასაქმებულები, მენეჯერები, მშობლები, მედდები — ცვლიან ათწლეულების განმავლობაში მიღებულ მიდგომებს და აუმჯობესებენ სამყაროს.

3. პირველად იყო რატომ

ავტორის დაკვირვებით, გავლენის მქონე ყველა ლიდერი ფიქრობს, მოქმედებს და ურთიერთობს ერთნაირად და ყველა დანარჩენისგან განსხვავებულად. სინეკი ამ ძლიერ იდეას, რომელიც ამ ლიდერებს აერთიანებს, "ოქროს წრეს" უწოდებს. ის იწყება კითხვით "რატომ". ლიდერობის სწავლა ყველას შეგვიძლია — პირველად იყო რატომ კი ამის სიღრმეებში გაშლაში გვეხმარება.

4. Black Swan

წიგნი გვიყვება შავი გედის ფენომენზე, რომელსაც 3 ძირითადი მახასიათებელი აქვს: ის არაპროგნოზირებადია, აქვს უდიდესი გავლენა და ამ ფენომენის შემდეგ ჩვენ გვეძლევა საშუალება განვჭვრიტოთ მომავალი, ვიწინასწარმეტყველოთ შემთხვევა და მოვახდინოთ მისი პრევენცია. რამდენიმე სიტყვით, ის კატასტროფები, რომლებიც ისტორიის განმავლობაში ხდებოდა მხოლოდ იმის შედეგია, რომ ჩვენ იგივეს ვსწავლობთ და არ ვცდილობთ ცოდნის გენერალიზაციას. თუ გვინდა რომ ნამდვილად აღმოვაჩინოთ ჭეშმარიტებები, ამოხსნის გზები და შესაძლებლობები უნდა წარმოვიდგინოთ "შეუძლებელი". სწორედ ამ ფენომენზე გვიყვება ნასიმ თალები.

5. საპიენსი

ადამიანების უკეთ გასაგებად, საჭიროა უკან გავიხედოთ და ისტორია გადავსინჯოთ, სწორედ ასეა ცივილიზაციებზეც. საპიენსი გვიყვება — როგორ იცვლებოდა დროთა განმავლობაში ადამიანთა საზოგადოებები, მათ ირგვლივ არსებული ფლორა და ფაუნა, თვით ადამიანთა ქცევები და ხასიათის თავისებურებები. ავტორი ეჭვქვეშ აყენებს ყველაფერს, რაც გვეგონა, რომ ჩვენი წარმოშობის, აზროვნების, ქცევის, შესაძლებლობებისა და მომავლის შესახებ ვიცოდით. მოკლედ, დიდ საფიქრელს გაგიჩენთ.

6. ცინკის ბიჭები

საბჭოთა კავშირი რომ წლების განმავლობაში ბევრ რამეს გვიმალავდა არახალია. ცინკის ბიჭები ავღანეთის 10-წლიან ომზე გვიყვება. წიგნის მთხრობელები — ომის ვეტერანები, დედები, ქვრივები, მედდები, მძღოლები, მაიორები არიან. ისინი თავიანთი თვალით დანახულ დაუჯერებელ ამბებს გვიყვებიან, ნამდვილ ფაქტებს… ფაქტებს რომლებსაც მრავალი წლის მანძილზე საბჭოთა კავშირი საგულდაგულოდ მალავდა და ამის გამო ავტორს, 1992-1994 წლებში სასამართლოში ჯდომაც მოუწია, პროცესებზე ავტორიტარულმა რეჟიმმა მწერლის წინააღმდეგ მისივე რეალური პერსონაჟები გამოიყვანა.

თუკი რომელიმე წიგნმა დაგაინტერესათ და ფესტივალზე წასვლას ვერ ახერხებთ, არც მაგაზე იღელვოთ. ასეთ შემთხვევაში, ფესტივალი თავად მოვა თქვენთან, ვინაიდან VELI.Store და წიგნების ფესტივალი დამეგობრდნენ და VELI.Store-ზე ნებისმიერი წიგნის შერჩევისა და შეძენის შემთხვევაში, კურიერი მას სამი საათში, სასურველ ადგილზე სრულიად უფასოდ მოგართმევთ.