მარიუპოლის მერის მრჩეველის, პიოტრ ანდრიუშენკოს განცხადებით, ქალაქში, სკოლის ტერიტორიაზე რუსული ჭურვი "გრადი" აფეთქდა, რასაც 12 წლის ბიჭის სიცოცხლე ემსხვერპლა. შემთხვევა გუშინ, 26 მაისს მოხდა.

ანდრიუშენკო ამბობს, რომ რუსული იარაღი აგრძელებს ბავშვების მკვლელობას აქტიური საომარი მოქმედებების დასრულების შემდეგაც. მან მოუწოდა უფროსებს იყვნენ ყურადღებით და სიფრთხილე გამოიჩინონ, ასევე, მოუწოდონ ბავშვებს, არ შეეხონ საეჭვო და უცხო ნივთებს.

უკრაინის გენერალური პროკურატურის ინფორმაციით, რუსეთის შეჭრის შემდეგ უკრაინაში 241 ბავშვი დაიღუპა, 438-ზე მეტი კი დაშავდა.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში