არ გადაუხვიო გზიდან და არ თქვა უარი შენს არჩევანსა და მიზნებზე — ამ კონცეფციით შეიქმნა "ტოიოტა ცენტრი თეგეტას" კამპანია, რომელიც ქალების მხარდაჭერასა და დამკვიდრებული სტერეოტიპების შეცვლას ისახავს მიზნად.

კამპანიის ფარგლებში მომზადდა 6 პრინტი მამოტივირებელი შინაარსის წარწერებით. სიმბოლურია, რომ პრინტებში იმ ქალების სახელობის ქუჩები გამოიყენეს, რომელთა სახელებიც გამბედაობასა და სიმამაცესთან ასოცირდება. ქალი მფრინავი, მწერალი და უფლებების დამცველი, ეროვნული გმირი თუ ქალი მმართველი — ამ რეგალიების უკან კონკრეტული სახელებია, რომლებმაც უკვე დაამტკიცეს, რომ ქალისთვის შეუძლებელი არაფერია.

ცნობილი ქართველი ქალების — ფადიკო გოგიტიძის, ეკატერინე გაბაშვილის, მაია წყნეთელის, თამარ მეფის, მარო მაყაშვილისა და ელენე ახვლედიანის მოღვაწეობა გახდა "ტოიოტა ცენტრი თეგეტას" კამპანიის ინსპირაციაც.

ფოტო: თეგეტა

"ჩვენი კომპანიისთვის ქალთა გაძლიერება და მათი მხარდაჭერა განსაკუთრებით მნიშვნელოვანია. ამჯერადაც, ჩვენი ორთვიანი კამპანიის ფარგლებში, გვინდოდა, ქალებისათვის კიდევ ერთხელ შეგვეხსენებინა, იყვნენ თამამები, გაბედულები და არასოდეს თქვან უარი თავიანთ მიზნებზე. მხოლოდ ასე, ერთად შევძლებთ, დავამსხვრიოთ სტერეოტიპები. ვეცადეთ, პრინტკამპანიის მეშვეობით გვეჩვენებინა თანამედროვე როლები — მძღოლი გოგონა, რომელიც არღვევს დამკვიდრებულ არასწორ დამოკიდებულებებს, მოძრაობს ქალაქში, მიჰყვება საკუთარ მიზნებს და თავად მართავს როგორც მანქანას, ისე საკუთარ ცხოვრებას", — განაცხადა თეა მანჯავიძემ, ტოიოტა ცენტრი თეგეტას მარკეტინგის მენეჯერმა.

ფოტო: თეგეტა

კომპანიამ, რომლისთვისაც ქალთა მხარდაჭერა პრიორიტეტული მიმართულებაა, გადაწყვიტა, ამ გზით კიდევ ერთხელ შეეხსენებინა ქალებისათვის, რომ მათ ყველაფერი შეუძლიათ — წარმატების მიღწევა, სტერეოტიპების მსხვრევა და სხვებისათვის მაგალითის მიცემა.

ფოტო: თეგეტა