თურმე ბლეიკ ლაივლი Met Gala-ზე კაბებს ყოველთვის ხალიჩის ფერებს უხამებს

წლევანდელი Met Gala-ს სამოსით ბლეიკ ლაივლიმ თავი ბევრ ადამიანს დაამახსოვრა. ბლეიკის ჩაცმულობაში გარდა თვალისმომჭრელი სამოსისა განსაკუთრებული ის იყო, რომ მისმა კაბამ პირდაპირ წითელ ხალიჩაზე განიცადა ტრანსფორმაცია.

Met Gala 2022-ის თემა "მოდის ანთოლოგია ამერიკაში: 'მოოქრული ხანის' ბრწყინვალება" იყო. აქვე უნდა აღინიშნოს, რომ Met Gala-ს თემის მიხედვით სამოსი ლაივლიმ და ცნობილი ადამიანების მცირე რაოდენობამ შეარჩია.

თუმცა ახლახან ბლეიკ ლაივლის ჩაცმულობის შესახებ კიდევ ერთი დეტალი გახდა ცნობილი. მსახიობმა Vogue-თან ინტერვიუში განაცხადა, რომ კაბებს Met Gala-ს ხალიჩის ფერებს უხამებს. "ამ წელს Met Gala-ს ერთ-ერთი წამყვანი ვიყავი, რაც დიდი წნეხი იყო. ასე რომ, ხალიჩის ფერებისთვის კაბის შეხამება ძალიან მჭირდებოდა", — განაცხადა ლაივლიმ.

2016 წლამდე Met Gala-ს ხალიჩა ტრადიციულად წითელი ფერის იყო. თუმცა ამის შემდეგ ორგანიზატორებმა გადაწყვიტეს, რომ ხალიჩას ყოველწლიურად სხვადასხვა ფერი ჰქონოდა. შემდეგი ფოტოები კი დაგარწმუნებს, რომ ბლეიკ ლაივლის კაბების ფერიც Met Gala-ს ხალიჩის შესაბამისად იცვლება.