უკრაინის პრეზიდენტის, ვოლოდიმირ ზელენსკის განცხადებით, ლენდ-ლიზის კანონის ხელმოწერა ისტორიული ნაბიჯია. მისი თქმით, დაიცავენ დემოკრატიას უკრაინასა და მთელ ევროპაში.

"მადლობა ჯო ბაიდენსა და ამერიკელ ხალხს ჩვენი თავისუფლებისა და მომავლისთვის ბრძოლაში, უკრაინის მხარდაჭერისთვის. ლენდ-ლიზის კანონის ხელმოწერა ისტორიული ნაბიჯია. დარწმუნებული ვარ, ისევ ერთად გავიმარჯვებთ. ჩვენ დავიცავთ დემოკრატიას უკრაინაში და ევროპაშიც როგორც 77 წლის წინ", — წერს ის.

ამერიკის შეერთებულმა შტატების პრეზიდენტმა, ჯო ბაიდენმა უკრაინის დემოკრატიის დაცვის ლენდ-ლიზის 2022 წლის აქტს ხელი მოაწერა.

ეს აქტი მეორე მსოფლიო ომის დროს იყო გამოყენებული. ჯო ბაიდენის ადმინისტრაციას საშუალება ექნება, უკრაინას შეიარაღება და სხვა მარაგები უფრო მარტივად და სწრაფად მიაწოდოს.

კანონპროექტი აშშ-ის წარმომადგენელთა პალატამ 29 აპრილის დაამტკიცა. მას 417 მომხრე და 10 მოწინააღმდეგე ჰყავდა. იქამდე უკრაინის დემოკრატიის დაცვის ლენდ-ლიზის 2022 წლის აქტის მიღებას მხარი სენატმა 7 აპრილს დაუჭირა.