The New York Times შეერთებული შტატების მაღალჩინოსნებზე დაყრდნობით წერს, რომ აშშ-ის დაზვერვა უკრაინას აწვდის ცნობებს რუსული დანაყოფების შესახებ, რაც უკრაინელებს რუსი გენერლების მიზანში ამოღებასა და დახოცვაში ეხმარება.

მედიის განცხადებით, როგორც უკრაინის ოფიციალური პირები ამბობენ, ფრონტის ხაზზე, დაახლოებით, 12 გენერალი მოკლეს, რამაც სამხედრო ანალიტიკოსების გაოცება გამოიწვია. თუმცა მათი თქმით, ოფიციალური პირები არ აკონკრეტებენ, რამდენი გენერალი მოკლეს უკრაინელებმა აშშ-ის მიერ მიწოდებული ინფორმაციის დახმარებით.

NYT აღნიშნავს, რომ დაზვერვის ცნობები ასევე მოიცავს ინფორმაციას რუსული სამხედროების მოსალოდნელი გადაადგილების შესახებ, რაც დონბასის რეგიონისთვის მოსკოვის საიდუმლო საბრძოლო გეგმის შესახებ აშშ-ის მიერ ბოლოდროინდელი შეფასებებით არის შეგროვებული.

გამოცემის ცნობით, აშშ კონცენტრირებულია იმ რუსი სამხედროების მობილური შტაბების ადგილსამყოფელისა და სხვა დეტალების მიწოდებით, რომლებიც ხშირად გადაადგილდებიან. მათი თქმით, უკრაინის ოფიციალურმა პირებმა ეს გეოგრაფიული ინფორმაცია მათი დაზვერვის მონაცემებთან გააერთიანეს, რათა განეხორციელებინათ საარტილერიო დარტყმები და სხვა თავდასხმები, რის შედეგადაც რუსი ოფიცრები დახოცეს.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში