Deutsche Bank-მა საქართველოს ბანკი მომხმარებლების მდგრადი განვითარებისთვის Sustainable Client Excellence Award 2021-ის გამარჯვებულად დაასახელა.

ბანკს ჯილდო ეფექტური და ზუსტი გადარიცხვებისთვის, ასევე საუკეთესო გამჭოლი დამუშავებისთვის (STP — Straight Through Processing) გადაეცა.

"დღევანდელ კონკურენტულ გარემოში, გრძელვადიანი წარმატების მისაღწევად, ხარჯების შემცირება და მომხმარებლებისთვის გაუმჯობესებული სერვისის მიწოდება, რომელსაც STP უზრუნველყოფს, უფრო მნიშვნელოვანია, ვიდრე ოდესმე. ამ ჯილდოს შეფასების საფუძველი, ისევე როგორც წინა წლებში, ავტომატური წესით გადარიცხვების STP მიმართულება იყო. გარდა ამისა, გვინდოდა შეგვეფასებინა თანამშრომლობა ჩვენს ინსტიტუტებს შორის. გვინდა მადლობა გადავუხადოთ საქართველოს ბანკს მრავალწლიანი წარმატებული პარტნიორობისთვის. მოუთმენლად ველით მათთან ერთად მუშაობის გაგრძელებას", — აცხადებს Deutsche Bank-ის მმართველი დირექტორი და ფულადი სახსრების მართვის ხელმძღვანელი, ვოლფგანგ ვაგნერი.

"მოხარული ვარ, რომ Deutsche Bank-მა საქართველოს ბანკი საუკეთესო ფინანსურ ინსტიტუტად აღიარა, რომელმაც 2021 წელს სხვადასხვა ვალუტაში განხორციელებულ ფულად გადარიცხვებში საუკეთესო სტანდარტები აჩვენა. ეს ჯილდო ენიჭება ბანკებს, რომლებიც ავტომატური წესით გადარიცხვების ეფექტური განხორციელებისათვის საჭირო აუცილებელ სტანდარტებს აკმაყოფილებენ", — განაცხადა საქართველოს ბანკის გენერალურმა დირექტორმა, არჩილ გაჩეჩილაძემ.