შინაგან საქმეთა სამინისტროს განცხადებით, ბორჯომში 1975 წელს დაბადებული, წარსულში ნასამართლევი, ამჟამად კი პირობითი მსჯავრის ქვეშ მყოფი კაცი ოჯახში განზრახ მკვლელობის მცდელობისა და ოჯახში ძალადობის ბრალდებით დააკავეს.

უწყების ცნობით, კაცმა 1985 წელს დაბადებული მეუღლე ცივი იარაღით დაჭრა, სიდედრს კი სიტყვიერი და ფიზიკური შეურაცხყოფა მიაყენა. მათივე ინფორმაციით, დაზარალებული საავადმყოფოშია გადაყვანილი. სამართალდამცვავებმა ნივთმტკიცებად სახით დანა ამოიღეს.

შსს-ის განცხადებით, ოჯახის წევრის მიმართ გენდერის ნიშნით დამამძიმებელ გარემოებაში განსაკუთრებული სისასტიკით ჩადენილი განზრახ მკვლელობის მცდელობისა და ოჯახის წევრის მიმართ ძალადობის ფაქტზე გამოძიება სისხლის სამართლის კოდექსის 11 პრიმა 19-109-ე მუხლის მე-2 და მე-3 ნაწილებით, ასევე, 126-ე პრიმა მუხლის მე-2 ნაწილით მიმდინარეობს.