უკრაინის შინაგან საქმეთა მინისტრის მრჩევლის, ანტონ გერაშენკოს განცხადებით, მოლდოვა მზად უნდა იყოს, რადგან ის შეიძლება რუსეთის ისეთივე მსხვერპლი გახდეს, როგორც უკრაინა. ამის შესახებ მან ფორმულასთან ინტერვიუში ისაუბრა.

"რუსეთს სურს სახმელეთო დერეფანი დნესტრისპირეთიდან ყირიმის მიმართულებით გაიყვანოს. გზად სურს ოდესის აღებაც. მოლდოვა უნდა იყოს მზად, ვინაიდან ის, შეიძლება, ისეთივე მსხვერპლი გახდეს, როგორც უკრაინა. მოლდოვას სურს, რომ ჩვენ რუსეთი დავამარცხოთ და მორალურად გვეხმარება", — აღნიშნა მან [ფორმულას თარგმანი].