ოკუპანტი ქვეყნის საგარეო საქმეთა მინისტრი, სერგეი ლავროვი ამბობს, რომ რუსეთი უკრაინაში "სპეცოპერაციის" 9 მაისს დასრულებას ხელოვნურად არ შეეცდება.

"ჩვენი სამხედროები თავიანთ ქმედებებს კონკრეტულ თარიღზე, მათ შორის, გამარჯვების დღეზე, ხელოვნურად არ დააფუძნებენ. 9 მაისს, ისევე, როგორც ყოველთვის საზეიმოდ აღვნიშნავთ", — თქვა მან.

ლავროვი ამტკიცებს, თითქოს რუსეთის სამხედრო მოქმედებების ტემპი, პირველ რიგში, "მშვიდობიანი მოსახლეობისა და რუსული ჯარებისთვის რისკების შემცირების აუცილებლობაზეა დამოკიდებული".

30 აპრილს უკრაინის დაზვერვამ განაცხადა, რომ რუსეთის პრეზიდენტი, ვლადიმერ პუტინი შეეცდება ყველაფერი გააკეთოს იმისთვის, რათა 9 მაისამდე ხერსონის ოლქში ფსევდორეფერენდუმი ჩატარდეს.

ვრცელდება ინფორმაცია, რომ ოკუპანატ რუსეთს სურს 9 მაისი უკრაინაზე გამარჯვების დღეს გამოაცხადოს. ამასთან, რუსეთი 9 მაისს ფაშიზმზე გამარჯვების დღედ აღნიშნავს.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში