უკრაინის დაზვერვის ინფორმაციით, რუსეთის პრეზიდენტი, ვლადიმერ პუტინი შეეცდება ყველაფერი გააკეთოს იმისთვის, რომ 9 მაისამდე ხერსონის ოლქში ფსევდორეფერენდუმი ჩატარდეს.

სადაზვერვო სამსახურის სპიკერმა, ვადიმ სკიბიცკიმ განაცხადა, რომ ხერსონში "რეფერენდუმის" ჩატარება იქნება წარმოდგენილი, როგორც ოკუპანტების ერთ-ერთი "გამარჯვება" უკრაინაში. მისი თქმით, შემდეგი შესაძლოა, იყოს ზაპოროჟიე და ოდესის რეგიონები. სკიბიცკი ამბობს, რომ ეს არის რუსეთის პრეზიდენტის სტრატეგია.

"ის ყველაფერს გააკეთებს იმისთვის, რომ რეფერენდუმი ჩაატაროს ნებისმიერი საშუალებით და იტყვის, რომ ხერსონის ოლქის მოსახლეობამ გამოაცხადა "ხერსონის სახალხო რესპუბლიკა" და სურს შეუერთდეს რუსეთს. შემდეგი ნაბიჯები შეიძლება იყოს ზაპოროჟიე, ოდესა... ეს არის პუტინის სტრატეგია, რომლის განხორციელებასაც ის ცდილობს ყოფილი საბჭოთა კავშირის დამოუკიდებელი სახელმწიფოების ტერიტორიაზე", — თქვა მან.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში