ნორვეგია საზღვრებსა და პორტებს რუსული სატვირთო მანქანებისთვის და გემებისთვის ხურავს. როგორც ქვეყნის საგარეო საქმეთა მინისტრმა თქვა, ამ გადაწყვეტილებთ, ევროკავშირის სანქციების მეხუთე პაკეტის შესაბამისად მოიქცნენ.

"სანქციები არის ჩვენი ყველაზე მნიშვნელოვანი ზეწოლის საშუალება რუსეთის რეჟიმის წინააღმდეგ. გადამწყვეტია, რომ ჩვენ ვიყოთ ევროკავშირისა და სხვა ქვეყნების გვერდით, რათა გავაგრძელოთ რუსეთის შესაძლებლობების შესუსტება უკრაინაში ომის დასაფინანსებლად", — ამბობს საგარეოს მინისტრი.

7 მაისიდან რუსული დროშის ქვეშ მცურავი ხომალდებისთვის, მათ შორის კომერციული გემების, იახტებისა და გასართობი და რეკრეაციული ტრანსპორტისთვის პორტები დაიხურება.

ევროკავშირმა რუსეთის წინააღმდეგ სანქციების მე-5 პაკეტი 8 აპრილს დაამტკიცა. პაკეტში 6 პუნქტია.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში