სახელმწიფო სამხედრო სამეცნიერო-ტექნიკური ცენტრი "დელტა" მის ტერიტორიაზე გაჩენილ ხანძართან დაკავშირებით განცხადებას ავრცელებს.

ცეცხლი გუშინ გაჩნდა და გვიან საღამოს მისი კერის ლიკვიდრება დასრულებული იყო. როგორც განცხადებაშია აღნიშნული, ხანძარი ერთ-ერთ ძველ შენობაში გაჩნდა.

""დელტას" ტერიტორიაზე მდებარე ერთ-ერთ ძველ ნაგებობაში, რომელიც ექსპლუატაციაში არ იმყოფება და სადაც მხოლოდ სარემონტო სამუშაოები მიმდინარეობდა, ცეცხლის კერა გაჩნდა. ადგილზე მობილიზებული შესაბამისი სამსახურების სწრაფი ჩარევის შედეგად, ვითარება მოკლე დროში ლოკალიზდა და ამ დროისთვის ცეცხლის კერა სრულად ლიკვიდირებულია. მიმდინარეობს ხანძრის გამომწვევი მიზეზების დადგენა", — წერია "დელტას" განცხადებაში.