2022 წელს უძლეველთა თამაშები (Invictus Games) ისევ ჩატარდება, რომლის დამფუძნებელიც პრინცი ჰარია. Invictus Games საერთაშორისო სპორტული შეჯიბრია დაჭრილი და დაშავებული სამხედროებისა და ვეტერანებისთვის, რომელშიც ქალებიც და კაცებიც ასპარეზობენ. შეჯიბრის მიზანია, სამხედრო პერსონალის მოტივირება და იმის შეხსენება, რომ ტრავმების შემდეგაც კი მათი მებრძოლი სულისკვეთება უცვლელი რჩება.

თამაშები პირველად 2014 წელს ჩატარდა, წელს კი Invictus Games-ს ნიდერლანდები უმასპინძლებს. პრინცი ჰარის თქმით, მას იმედი აქვს, რომ პრინცესა დაიანა Invictus Games-ით ამაყობს. "იმედი მაქვს და მჯერა, რომ ყველაფერი, რასაც ვაკეთებ, დედასთვის საამაყოა", — განაცხადა პრინცმა ჰარიმ People-თან ინტერვიუში.

ფოტო: Getty Images

"იმ 12 წლის განმავლობაში, რომელიც დედასთან ერთად გავატარე, დავინახე ენერგია და სურვილი, რომლის წყალობითაც პრინცესა დაიანა ყველას ეხმარებოდა მათი სტატუსის მიუხედავად. ამ მცირე ხნის განმავლობაში იმ ადამიანების ცხოვრება, რომლებსაც დედა ეხმარებოდა, მათთვის გაცილებით კარგი იყო", — დასძინა პრინცმა ჰარიმ.

მართალია, Invictus Games 2014 წლიდან დაიწყო, თუმცა პანდემიის პერიოდში შეჯიბრი არ ჩატარებულია. ახლა კი ორწლიანი პაუზის შემდეგ Invictus Games ისევ ბრუნდება.